Кубанычтар дайра болуп агылып,
Келин келет ак шөкүлө жамынып.
Куттукташып жубайлардын үлпөтүн,
Той башталды, той башталды,
Алакандар, алакандар чабылып.

Кайырма:
Бийлейли, бийлейли, жаш селки турба,
Бийлейли, бийлейли,
Кошто жигит ыр ырда.
Бактылуу болгула,
Ишке ашып оюңар.
Кут болсун, кут болсун,
Үйлөнүү тоюңар.

Ак тилектер, ак ниеттер айтылып,
Апалардын чачыласы чачылып.
Кана эмесе, оо, туугандар ак жол тилеп,
Каалайлы, каалайлы,
Узун өмүр, узун өмүр, чексиз бакыт.

Кайырма:
Бийлейли, бийлейли, жаш селки турба,
Бийлейли, бийлейли,
Кошто жигит ыр ырда.
Бактылуу болгула,
Ишке ашып оюңар.
Кут болсун, кут болсун,
Үйлөнүү тоюңар.

Жоодураган көздөр көзгө кыналып,
Жашагыла жазгы гүлдөй буралып.
Абийирдүү, ар намыстуу болсун деп,
Ата-энеңер, ата-энеңер, ата-энеңер бата берет кубанып.

Кайырма:
Бийлейли, бийлейли, жаш селки турба,
Бийлейли, бийлейли,
Кошто жигит ыр ырда.
Бактылуу болгула,
Ишке ашып оюңар.
Кут болсун, кут болсун,
Үйлөнүү тоюңар.

Теңсинбей көптү чырайыңа
Термеле басып эмне пайда?
Ачылган гүлсүн, билемин аны,
Мендей ашык көптөр сага.

Кайырма:
Ашыгым, жүрөгүмдү арнайын,
Бирге болчу сен дайым.
Ууз сүйүүмдүн балын мен,
Бир өзүңө арнайын.

Какпачы жаным каш-кирпигиң,
Кайышып турат жаным менин.
Таңдагы нурсуң сен мен үчүн,
Жүрөгүмө жарык чачкан.

Кайырма:

Эргитип сени кучагыма,
Эрдиңден сүйөм качан гана.
Алыстан сүйүп акмалап жүрүп,
Өтөмбү же жанып күйүп.

Кайырма:

Ал мезгил кол жеткис бакыт бак,
Алмашкыс ай менен күндү берсе да.
Арман, ай, кай жакка кеттиң, периштем,
Мен сени таарынттып же алдым беле?

Кайырма:
Сен кечиргин таарынтсам эгер,
Түшүнбөй таарынба бекер,
Өчпөсүн биздин махабат.
Сен кечиргин мени, кечиргин,
Сүйүүмдү кайрып бергиниң,
Жашасын биздин махабат.

Сен үчүн өрт болду, жаным, жалындап,
Сездиңби, билбеймин, аны ардагым.
Күндөрүм күндөргө такыр окшошпой,
Арман, ай, жүрөгүм жаман эзилди.

Жамандыкка кабылсаң дайым бир тууган,
Жанын сайып сен үчүн күйгөн бир тууган.
Кокус тайып кулап түшсөң жерге капыстан,
Абалыңды келип сурар ал да бир тууган.

Кайырма:
Күлсөң дагы бирге күлгөн,
Кубансаң да ал кубанган.
Жан күйөрүң дайым бир тууган,
Жамандыгың бирге тоскон.
Жакшылыгың бирге тоскон,
Аман болсун дайым бир тууган.

Жүрөк ооруп махабаттан дартка кабылсаң,
Абалыңды тушүнгөн дагы бир тууган.
Кайда болсоң сени ойлоп сагынып күткөн,
Ата-энеден кийинки эле бир боор бир тууган.

Кайырма:

Күз айы Алматага,
Капыстан барып калдым,
Көздөрү күлмүңдөгөн,
Бир кызды сүйүп калдым
Чийилген кара кашы
Сезимге бүлүк салып,
Соңку ирет мени карап,
Караны алыстады.

Кайырма:
Айланам сенден Сауле,
Сагындым сени Сауле
Кайдасың, айтчы кайдасың?
Шириним менин Сауле
Ашыгым менин Сауле,
Сүйүктүүм менин Сауле
Кай жакка кеттиң жашынып,
Сагындым билсең Сауле.

Арадан өттү айлар,
Кыш өтүп жаз да келди.
Сагынып сени жаным,
Калааңа издеп келдим,
Сен мени күттүң бекен,
Күн санап, түн уктабай.
Же эстен такыр алып,
Унутуп койдуң бекен.

Кайырма:

Атат таңдарым, өзүңдү күтүп жүрөгүмө куса толуп
Ким менен кайда, жүрөсүң айтчы таштап мени арманга
Өчпөгөн үмүт, үлбүрөп күйүп үзүлгөнү турат жаным
Сагындым сени, сагындым жаным
Келчи кайда болсоң дагы

Махабатым сен,
Жүрөгүмдөн өчпөгөн
Махабатым сен,
Жүрөгүмдөн унутулбас

Кабарың айтчы, сага барайын болсоң да кол жеткис жайда
Сагындым жаным, сен дагы мени сагындыңбы асылым
Көктөн элесиң, көрүнөт мага жылдыздардан шуру тагып
Кол сунуп жетпей же унутуп кетпей эзилемин, эзилемин

Махабатым сен,
Жүрөгүмдөн өчпөгөн
Махабатым сен,
Жүрөгүмдөн унутулбас

Кадимки айыл чети, үйлөтүп отту күйгүзүп,
Билбести билгиздиңер, үйрөтүп атты мингизип.
"Кылганың биз үчүн болсо, үйрөнгүн өзүң үчүн" деп,
Атакем, алтын апакем, мээримиң чачып сүйдүрүп.

Кайырма:
Кандайсың, ата-апа, аманбы?
Сагынып айтам саламды.
Кучагың жайып тосуп ал,
Сагынып күткөн, сапарда жүргөн,
Алыста жүргөн балаңды.

Кадимки айыл чети, күн чыкпай күндө турасың,
"Балдарга бак берсин" деп Кудайдан миң жолу суранып,
Ата бир болуп калсам да, "уулум" деп баштан сылайсың,
Атакем, алтын апакем, тилегиң берсин Кудайым.

Кайырма:

Канча убакыт өттү арадан,
Сен экөөбүз жүз көрүшө албай.
Жаман ойлобо, жаман ойлобо,
А мен дагы эле ошол бойдонмун.

Ой, убакыт, ой, убакыт,
Өзгөртүпсүң мен ашыккан сулуу перини,
А мен дагы эле ошол бойдонмун.

Кайда жүрдүң, абалың кандай?
Сени көрүп агардым тандай.
Өзгөрдү дебе, өзгөрдү дебе,
А мен дагы эле ошол бойдонмун.

Ой, убакыт, ой, убакыт,
Өзгөртүпсүң мен ашыккан сулуу перини,
А мен дагы эле ошол бойдонмун.

Буралган гүлдөйсүң, жылдыздуу түндөйсүң, жаным,
Тартылам өзүңө жылмайып күлсөң мен.
Көтөрүп боюңду, көрмөксөн болбочу, сен,
Жүрөккө так салып, көңүлдү муздатып албачы дейм.

Кайырма:
Суранам мен сенден боюңду көтөрбөчү,
Жагымсыз кылыгың жарашпайт сага өзү.
Жараткан арнаган көркүңө бой көтөрбө,
Өкүнүп кийин калба, бул күндөр өткөн чакта,
Кеч болот анда сага!

Апаппак ак куудай баратсаң көл бойлоп, жаным,
Суктанат баарысы көз артып өзүңө дайым.
Мынчалык мерезсиң, өзүңдү сезесиң, айтчы,
Жүрөгүң же сенин муз болуп калганбы баары?

Кайырма:

Ай-күн болуп көзүмө,
Көрүнөсүң өзгөчө.
Жандап басса бир жигит,
Азап тартам өзүмчө.
Жандап басса бир жигит,
Азап тартам өзүмчө.

Кайырма:
Эркелеп, эркелеп, эркелеп,
Коёсуң "байке" деп.
Эзилген жүрөктү байкабай,
Жүрөсүң эркелеп.
Кызганам, кызганам, кызганам,
Кыйналып башкадан.
Өзүңдү мен качан өзүмө,
Аламын энчилеп?

Мен кезигип өзүңө,
Жарык чачтың сүйүүмө.
Сен болбосоң мен үчүн,
Кызыгы жок бул дүйнө.
Сен болбосоң мен үчүн,
Кызыгы жок бул дүйнө.

Кайырма:

Кагылайын, кара көзүм, мен сага
Байланам, ай, байланам.
Неге мынча мен өзүңдөн,
Айланам, ай, айланам?
Орду толбос бул өкүнүч мен үчүн
Кантейин, ай, кантейин?
Арга барбы тоскоол болгон жашыма
Жашыма, ай, жашыма.

Кайырма:
Оо, карындаш, секелегим,
Али бойго жетелегим.
Бактылуу бол,
Башка сөз жок өмүрдө.

Ала-Тоонун башындагы ак кардай
Сезимдериң таптаза.
Асмандагы Таң чолпондой жымыңдап
Көздөрүң, ай, башкача.
Сени көрүп сезимдерим тазарып
Кагылайын карындаш,
Бактылуу бол бажырайган секетим
Бажырайган секетим.

Кайырма:

Сага жарыгым аткан таңдай,
Сага тилегим аппак кардай.
Балким, макулсуң, айтчы, жаным,
Сени жубайым мен кылууга?

Кайырма:
Жаным, жаным, жаным,
Түбөлүктүү болчу менин жарым.
Кол кармашып бирге дайым, дайым,
Өтөлүчү өмүрдөн, жаным.

Сенин көздөрүң - бактым менин,
Уурдап сүйүүмдү алып кеттиң.
Эми өзүңсүз бактым жоктур,
Эгер адашып сенден калсам.

Кайырма:
Жаным, жаным, жаным,
Түбөлүктүү болчу менин жарым.
Кол кармашып бирге дайым,
Өтөлүчү өмүрдөн, жаным.
Жаным, жаным, жаным,
Түбөлүктүү болчу менин жарым.
Кол кармашып бирге дайым,
Болчу менин өмүрлүк жарым.

Ай карап, күн санап,
Үмүтүм жалындап күткөнмүн.
Келбедиң кайрылып,
Жүрсөм да өзүңдү сагынып.
Курчаган жалгыздык,
Кубаты күч алып, жанчыды жанымды.
Жазыксыз жүрөгүм,
Эзилсин мейли, сени күтөмүн.

Жабыркап барат жаным,
Алсырап соолуйт каным,
Жан тумарым, сени эстеген сайын.
Жабыркап барат жаным,
Алсырап соолуйт каным,
Жан тумарым, сени эстеген сайын.

Күндөрүм күтүүгө,
Түндөрүм үмүткө байланды.
Мен байкуш эмне кылам,
Жүрөгүм сооротуп отурам.
Тагдырым тайкыбы?
Жаңылдым-жаздымбы?
Билбедим таппадым,
Дарманым калбады,
Күтүүгө башка сени, ардагым.

Кайырма:

Бири көлдүк деп сүйөт,
Бири чүйлүк деп сүйөт.
Бири Нарын, Талас, Баткен,
Ош, Жалал-Абад деп сүйөт.
А мен байкуш кантемин?
Токтогулдук жигитмин.
Бөлүнө албай эч бир жакка,
Тең ортодо эзилдим.

Кайырма:
Оу, оу, кыздар! Эй, эй кыздар!
Кайда барсам жан дүйнөмдө,
Жашайсың, кыргыз кыздар.
Оу, оу, кыздар! Эй, эй, кыздар!
Кызгалдактай жер бетинде,
Гүлдөсүн кыргыз кыздар.

Жети деген ыйык сан,
Жети область Кыргызстан.
Ар бир айыл-районунда,
Кыздар гүлдөй ачылган.
Түштүк жактын кыздары,
Кашы-көзү суктантты.
Түндүк жактын, эх, кыздары,
Кымча бели кыйнады.

Кайырма:

Кызгалдактай жер бетинде,
Гүлдөсүн кыгыз кыздар!

Биз күткөндөй болбой калды баары эми,
Чансаң дагы башканы эмес, сүйчүм сени.
Билбедиң кадыр-баркымды,
Башканын болуп чырагы,
Тепседиң жүрөгүмдө сага ачылган гүлдөрдү!

Кайырма:
Өкүнбө, эми өкүнбө
Өкүнүч болот өмүрдө.
Жан дүйнөң сыздап кайгырба, эми өкүнө!
Өкүнбө, эми өкүнбө,
Өкүнүч болот өмүрдө.
Жан дүйнөң сыздап кайгырба, эми кайгырба!

Сен ыйлаба, сен кайгырба бул жалганда,
Мени күтпө, мени издебе бул ааламдан.
Азыр мен жансыз элесмин,
Кол сунсам колум жетпеген.
Ыйласаң соорото албай жан дүйнөм бир эзилген!

Кайырма:

Өкүнбө, эми өкүнбө,
Өкүнүч болот өмүрдө.
Жан дүйнөң сыздап кайгырба, эми өкүнө!
Өкүнбө, эми өкүнбө,
Өкүнүч болот өмүрдө.
Жан дүйнөң сыздап кайгырба, эми кайгырба!