Чарчап келсем чалыгып,
Ак жолугун салынып.
Тосуп чыгат алдымдан,
Бир күлүп, бирде таарынып,
Анткени калат сагынып.

Кайырма:

Балдарымдын апасы,
Таарынба садагасы.
Бир өйдө, бирде ылдый,
Турмуштун таразасы.
Балдарымдын апасы,
Жылмайчы садагасы.
Ырдап берет кел эми,
Кыздарың менен атасы.
Ырдап берет...

Чарчап келсем алыстан,
Аталап мага жарышкан.
Балдарым менен апасы,
Үйүмдүн нуру, жарык таң.
Бир күлүп, бирде таарынган.

Кайырма:

Өткөн өмүр кайрылбайт бизге,
Өкүнүчтөр, армандар кимде?
Узун жолдо узап карааның,
Узаганда үнсүз карадым.

Кайырма:

Махабаттан жалгыз сурадым,
Өчүрбө деп үмүт чырагын.
Мезгил балким жүрөк дарылап,
Мен жоготкон сүйүүм табылат.

Кербен тартып, жылдар узады,
Артта калды кайгы, кусалык.
Кереги жок тагдыр сурарым,
Арман менен аккан көз жаштын.

Кайырма:

Адашкан сезим алыстай берди,
Аярлуу карап, «Айла жок!» деди.
Кырчылган сезим кысталат эми,
Кыйырсыз түндөр кыйнаган мени.
Билемин сагынып, зарыгып жүргөнүң,
Аргасыз, айласыз көздөрүң ирмедиң.

Кайырма:

Тилегимсиң танбаган,танбаган,
Тике карайм, жалтанбайм, жалтанбайм.
Арманым ай, асылдың мойнума,
Атың сенин кайталайм, кайталайм.


Өкүнөм эми өпкөнгө сени,
Өтпөгөн баштан өксүгүм келди.
Түшүнбөйм неге, түйшүгүм белден,
Түпөйүл кылган түгөйүм белең?
Билемин, сагынып, зарыгып жүргөнүң,
Аргасыз, айласыз көздөрүң ирмедиң.


Кайырма:

Түбү жок деңиздей,
Чөмүлүп баратам,
Тартып карегиңе.
Кең дүйнө деңиздей,
Жанашсам сени менен,
Күлкүң жан эргитет,
Жагып сезимге.

Кайырма:
Жараткан, өзүң жар болгун,
Жароокер сүйүүм, бар болгун,
Арнашып аны турганга.
Жараткан, өзүң жар болгун,
Жароокер сүйүүм, бар болгун,
Арнашып аны турганга.

Асылым, айдайым,
Жылдыздай жамалың,
Козгойт сезимимди.
Жел сылап саамайың,
Жылмайып карадың,
Төгүп мээримиңди,
Жаным эргиди.

Кайырма:
Жараткан, өзүң жар болгун,
Жароокер сүйүүм, бар болгун,
Арнашып аны турганга.
Жараткан, өзүң жар болгун,
Жароокер сүйүүм, бар болгун,
Арнашып аны турганга.

Убакыт учат зымырап,
Канат кагып жалгызсырап.
Жашырбачы сырыңды катып,
Жашайм түркүн ойго батып.
Кете бердиң го ыйлатып.

Кайырма:
Көргөн түштөй алыс караның,
Кучагында калдым санаанын.
Сен деп жашаган жүрөгүмдү жараладың.
Мейли күлгүн, мейли сүйбөгүн,
Бирок сени дале сүйөмүн,
Үзүлбөгөн үмүтүм менен сени күтөмүн.

Жанып турган шам чырагымсың,
Арзып жазган ырларымсың.
Махабаттын торунда калдым,
Жалгыздыктан мен кыйналдым,
Кайрылып келчи ардагым.

Кайырма:

Жайлоого боз үй тикпесе,
Жадырап кымыз ичпесе.
Ошол да тоолук кыргызбы?
Ардактап кары күтпөсө.

Кайырма:
Кыр-кырда жылкы кишенеп,
Казанда турбаса бышкан эт.
Ошол да тоолук кыргызбы?
Балдары минбесе, небере минбесе кысырек.

Кыздары беш көкүл өрбөсө,
Конокко кой союп бербесе.
Ошол да тоолук кыргызбы?
Калпагын башка кийбесе.

Кайырма:

Көздөрү жадырап жылдыздуу,
Дүйнөсү буруксуйт гүл жыттуу.
Чолпондой ажары жанбаса,
Айтчы ошол тоолук кыргызбы?

Кайырма:

Ак жоолук салынган, суйкайып таранган,
Эркеси агамдын кыялданган
Капкара кашыңдан, өрүлгөн чачыңдан,
Кайниңди сүйдүрүп ойго салган.

Кайырма:
Жеңеке качпачы, сырыңды катпачы,
Маралдай керилген жеңекем ай.
Агамдын бактысы, үй-бүлө тактысы,
Бактылуу болуңуз жеңекем, ай.

Кайни деп жүрөсүң, күйдүрүп күлөсүң,
Бой жеттим мен дагы үйлөнөмүн.
Жеңеке жыл өтүп энеке болуңуз,
Узарсын алтындай ак колуңуз.

Кайырма:

Ырдап турам, жеңе гүлүм сунам,
Ак тилегим арнап турам.

Кайырма:

Куш болбос, өз тууруна талпынбаган,
Кыз болбос, өз уясын калтырбаган.
Атаке, куштар учкан жолду тиктебей,
Арманым жүрөт ичте айтылбаган.

Кыярбас чынар терек дарагымсың,
Кыйналсам кыяматта таярымсың.
Кызыңа бассаң-турсаң бак тилеген,
Кымбатым атакебай, аярымсың.

Алдыңа башым жөлөп уктаганым,
Ал кезди эстеп-эстеп суктанамын.
Аттиң ай, өз үйүнө конок болгон,
Айылы бөлөк тура кыз баланын.

Аттиң ай, бере албадым жардамымды,
Азайттым мурдагыдан барганымды.
Азыр мен бассам-турсам ойлой берем,
Бактылуу болсо экен деп балдарымдын.

Сени таптым менин сүйүктүүм,
Көп издеп, азапка салдың кайра эле.
Менин бактым эми ким үчүн жалындайт?
Жана албай, жалганда жалгыздай,
Күтөмүн жолуң карай, о-о-о.

Кайырма:
Айсулуу аярлуум элең,
Жүрөктү эзген.
Айсулуу калды так сенден,
Калды так сенден...

Мейли кеттиң мени унуттуң мөлтүрөп,
Аябаган каректер.
Сенин барың менин үмүтүм, сагынам,
Санаам тынбай, сабалаган куштай
Күтөмүн жолуң карай, о-о-о.

Кайырма

Жүрөмүн чыдап кыйналган күн өттү,
Сыздатпа жүрөктү сен.

Кайырма

Жаралаба, татынам сага,
Тартылам неге, байланам?
Жылдыздай жайна түбөлүк мага,
Жалгызым ааламда.
Элесиң карегимде,
Эми сен сезимимде.

Кайырма:

Сага байландым, санаага арбалдым,
Садагам, жаралаба...
Мага карааның махабат баяны,
Айдайым, арнадың сен.

Берилемин сага, эркелеген мага,
Эми сен кетсең башкага.
Таба албай айла, тагдырыма кайра,
Табышмак ал мага.
Элесиң карегимде,
Эми сен сезимимде.

Кайырма:

Кереметтүү жамалың,
Керилесиң маралым.
Келбетиңе арбалып,
Күйүп, оттой жанамын.
Келбетиң ай сезилип,
Дегдеп, жүрөк эзилип.
Ак сүйүүмдү айтамын.
Кези келсе, кезигип.

Кайырма:

Адеми, Адеми,
Эми азапка салба мени.
Адеми, Адеми,
Сүйөм жалгыз сени.

Тагдыр берген белегим,
Жүрөгүмдү ээледиң.
Жүзүң сулуу, Адеми,
Айга сени теңедим.

Кайырма:

Адеми, жүзүң сулуу, Адеми,
Адеми, арман болуп, Адеми.

Кайырма:

Сүйүү ырын сага ырдай,
Жүрөмүн сени кыйбай.
Жүрөгүм сыздап жашын тыйбай,
Жалгыздык мени кыйнайт.

Бакытым деп сени мен тандап,
Жүрөгүм сага ардак.
Жүрө албадым колуң кармап,
Башканы кеттиң жандап.

Кайырма:
Кош болгун түбөлүк,
Кайрылбай кайда сен кеттиң?
Күтөмүн дайыма,
Өзүңдү самап жүрөмүн.


Келчи эми деп жалынбаймын,
Кеттиң сен кайрылбадың.
Сезим кыйнап жалындаймын,
Сезбедиң кайгырганым.

Издебегин эми мени,
Сүйүүнүн бүттү чеги.
Унутамын мен да сени,
Убайым тартпа эми.

Кайырма:

Толкунга чимирилген көлдүн жээги,
Томсортуп, тоноду го тагдыр мени.
Жалгызмын уч-кыйыры жок бул дүйнөдө,
Жалынып чакырсам да таппайм сени.

Кайырма:

Бул жашоого бир келсем да,бир кетсем,
Анан мынтип ашыгыма жетпесем.
Анда сенин барың кайсы Жараткан,
Бул дүйнөнү бир кем кылып жаратсаң?

Алмашкыс түгөйүнөн ажыраган,
Армандуу күйүтүнөн көктү айланган.
Ак куудай боюм көлгө ургум келет,
Азабын бул сүйүүнүн көтөрө албай.

Кайырма:

Биз турдук жол боюнда, жаныбыз толуп муңга,
Тагдырдын билбептирбиз жазбасын жолугууга.
Жолуңду тосуп күндө, турчумун сени карап,
Алыстап кете бердиң, кайрылбай менден узап.

Кайырма:

Бактылуу бол, кейибе кайгы-муңга,
Бактылуу бол махабат майданында.
Бактылуу бол көлдөгү ак куулардай,
Көз алдымдан элесиң эстен кетпейт.

Адашкан таңдарыбыз соолуган түссүз гүлдөй,
Жолуккан таңдарыбыз, кайдасың ошол түндөр?
Тирелген тилектерим обондуу ырга айланды,
Калоосу жүрөгүмдүн армандуу ырда калды.

Кайырма: