Жанымдан өтсөң жылмайып,
Жалт карайм мен да кылчайып.
Ичтеги сырды айта албай
Жүрөсүң, айтчы кимде айып?

Өзүңдү жакшы көрөмүн,
Өзгөчө сүйөт жүрөгүм.
Өрт болуп өмүр өтсө да,
Сүттөн ак сага тилегим.

Ойлонуу менен таң атат,
Ойлорум сени саматат.
Жыл өткөн сайын жылт этип,
Жаштыгым өтүп баратат.

Айттырбай билип сырларды,
Ардактап жаштык ыргалын.
Алагды кылбай көп эле,
Аясаң боло, жыргалым.

Сулуунун көркү Фатима,
Суктанам ыйык затыңа.
Жалт карап койсоң айбыгам,
Айта албай сөздү батына.

Кайырма:
Жүрөгүмдү кыйнаба,
Жаным менин Фатима.
Көңүлүмдү сыздатпа,
Үмүтүм сага гана.

Көздөрүң сонун, Фатима,
Салбасаң назар дартыма.
Таппасаң дары дартыма,
Айыкпас оору таптым, ай.

Кайырма:

Каштары кара Фатима,
Мас болсом атыр жытыңа.
Уктасам уйкум канбаса,
Оролуп жатып жаныңа.

Кайырма

Карасам да кумар канбайт,
Тартынамын сенден дале.
Кылыктанып карашың да,
Жан дүйнөмө жарык чачкандай.

Көздөрүм катып көзүңдөн,
Уялам сенден негедир.
Ушундай катуу сезимден,
Кумарым канбай келет бир.

Кайырма:
Көзүмө көзүң кадалып,
Тартынамын сенден дале.
Далайга бүткөн сыяктуу,
Карашың мага дары эле.

Көздөрүм катып көзүңдөн,
Тартынам сенден негедир.
Көзүңдү сүйүп турсам да,
Кумарым канбайт негедир.

Кайырма:

Көргөндө көзүм кадалат,
Көйкөлүп чачы таралат.
Назданат бийкеч, назданат го,
Сүйүүм тамшанат.
Керилип басканы сулуу
Жайкалат го, жүрөк тамшанат.

Кайырма:
Садагам Лейли, сагынтат мени,
Ажарың күндөй, ашыкмын, Лейли.
Тумарым Лейли, кумарым Лейли,
Кабылдым сага, каралдым Лейли.
Сагынамын Лейли, Лейли.

Жомоктой мага сезилет,
Жүрөгүм ысып эзилет.
Керилет бийкеч, керилет го,
Жүрөк эргитет,
От болуп күйүп эритет го,
Жүрөк эргитет.

Кайырма:

Садагам Лейли, сагынтат мени,
Ажарың күндөй, ашыкмын, Лейли.
Тумарым Лейли, кумарым Лейли,
Кабылдым сага, каралдым Лейли.
Чырагымсың Лейли, Лейли.

Өлүмдүн кадырын өксүгөн жан билет,
Жокчулук кадырын көксөгөн жан билет.
Сүйүүнүн кадырын жетпеген жан билет,
Достуктун кадырын четтеген жан билет.
А бирок атанын кадырын ким билет?
Аттиң, ай, эненин кадырын ким билет?

Күлкүнүн кадырын муңайган жан билет,
Жаштыктын кадырын улгайган жан билет.
Ден соолук кадырын оорукчан жан билет,
Оорунун кадырын боорукер жан билет.
А бирок атанын кадырын ким билет?
Аттиң, ай, эненин кадырын ким билет?

Баланын кадырын балага зар билет,
Жарынын кадырын акылман жар билет.
Бардыгын, бардыгын адамдык дил билет,
Аттиң, ай, ата-эне кадырын ким билет?
А, бирок атанын кадырын ким билет?
Аттиң, ай, эненин кадырын ким билет?
Бардыгын, бардыгын адамдык дил билет.

Көз менен карап азгырган,
Көңүлдү дайым жаз кылган.
Кызыктар кылат өзгөчө,
Кылгыра тиктеп алдыртан.
Тайманбай жашап турмуштан,
Талашып көктү жылдыздан.
Суйкайып таңдай чыгышта,
Сулуулар чыгат кыргыздан.

Кайырма:
Биздин Ала-Тоонун кыздары, ай,
Биздин кыргыз элдин кыздары, ай.

Сагынтар мени саргайтып,
Сапарга кетсем алыстап.
Жүзүңдү турар нур чайып,
Жүрөктөр кокус табышса.
Ала-Тоо башын кар чалып,
Жатса да күтүп алыстан.
Кыйындык башка түшкөндө,
Кыздары чыкса намыска.

Жүрөгүмдү кыйнаган,
Түркүн миң-миң сандаган.
Чыга албаймын, кантейин?
Ойлор мени чырмаган.

Жашып алсам, жүгүмөн
Арыларбы жүрөгүм?
Келбесиңди билсем да,
Кайра эле күйүнөм.

Кайырма:
Сага жан дүйнөмдү арнагам,
"Жан биргем" деп садагам,
Мээримиңе жылынгам.
Мага калды эми элесиң,
Кайра кайтып келбейсиң,
Бактылуу болгун деймин.

Жан адамга өзүңдү,
Сездирбестен сыр катып.
Сен жөнүндө ар дайым,
Бүтө албаймын ыр жазып.

Тагдыр мени кектедиң,
Өчүң барбы билбедим.
Сүйдүм эле өзүңдү,
Бирок, жаным, жетпедим.

Кайырма:

Сүйөмүн деп айтсам да,
Кадырыма жетпедиң.
Күтөрүмдү билсең да,
Кайрылып сен келбедиң.

Кайырма:

Кызыктай бар эле адатыбыз,
Кыш эрте келсе деп самачубуз.
Каткырып кар кечип, кубалашып,
Кечинде сабактан тарачубуз.

Кайырма:
Вальс, вальс, вальс,
Мойнума кар саласың.
Вальс, вальс, вальс,
Кубанычым таркабасын.
Кайрадан кар кечип узатайын,
Кайдасың, классташ-парталашым?

Жаштыктын жалындуу күчү менен,
Жаш элек биз анда үшүбөгөн.
Күкүктөр сайраса кыш чилдеде,
Гүлкайыр гүл ачкан кышы менен.

Кайырма:

Жабыркайм чилденин тушунда бу,
Жалгыздык азабы ушундабы?
Жылытам, демиме жылытамын,
Гүлкайыр гүлүмдү кышындагы.

Бар тарабым бир гана сен жыттанып,Бажырайган көздөрүңө суктанып. Бакытымдай мүнөт сайын сени эстейм,Баскан изиң башкалардан кызганып.

Жылдыз болуп көзүң турса күлүңдөп,Уктай албайм бүткөн боюм дүрүлдөп. Булбул бактан түнү бою тил безейт,
Бул дүйнөнүн ырахаты сүйүү деп.

Бирин-бири көрөйүн деп батыраак,Гүлдөр гүлгө арзуу айтып ачылат.
Сенин шаңдуу шаркыратма сыяктуу,Шайыр күлкүң уксам жарпым жазылат.

Өзүңө деп гүлдөр терип адырдан,Ырлар окуйм өзүңө деп жазылган. Кайсы күнү сылаарымды билбеймин, Желден башка сылабаган чачыңдан.

Буралган гүлдөйсүң, жылдыздуу түндөйсүң, жаным,
Тартылам өзүңө жылмайып күлсөң мен.
Көтөрүп боюңду, көрмөксөн болбочу, сен,
Жүрөккө так салып, көңүлдү муздатып албачы дейм.

Кайырма:
Суранам мен сенден боюңду көтөрбөчү,
Жагымсыз кылыгың жарашпайт сага өзү.
Жараткан арнаган көркүңө бой көтөрбө,
Өкүнүп кийин калба, бул күндөр өткөн чакта,
Кеч болот анда сага!

Апаппак ак куудай баратсаң көл бойлоп, жаным,
Суктанат баарысы көз артып өзүңө дайым.
Мынчалык мерезсиң, өзүңдү сезесиң, айтчы,
Жүрөгүң же сенин муз болуп калганбы баары?

Кайырма:

Обондуу ырлар созулган,
Үн салып гитар чертип сансыз жылдыздар
мага угулган.
Жалындуу жаштык жаңырган
Ырдашып талбай, ойноп-бийлеп жыргашып
таң атырган
Келгенсийт чексиз бак-дөөлөттүн баарысы,
Бергенсийт бизге Нооруз майрам ырысын.

Кайырма:
Кел, Ноорузум, кел, Ноорузум,
Жакшы маанай бер, Ноорузум.
Кел, Ноорузум, кел, Ноорузум,
Жакшы бата бер, Ноорузум.

Ак карлуу Ала-Тоо болсун,
Айлыбыз аман болсун биз,
Биз төрөлгөн жерибизге ырыскы толсун.
Ак калпак кыргызым болсун,
Ата-энем жүзгө толсун,
Ынтымактуу элибизге бак-дөөлөт консун.
Ар дайым ачык маанай болсун үйүбүз,
Ай нурун чачып турган болсун күнүбүз.

Кайырма:

Балалыгым, айланайын, келдим сага,
Жүрөгүм толуп-ташып кусалыкка.
Сен жоксуң, мени таштап кеткен белең,
Эч ким билбес балалыктын асманына.

Балалыгым, балалыгым,
Сени издеп таба аламбы?
Сен жоксуң мени таштап кеткен белең,
Эч ким билбес балалыктын асманына.

Балалыгым, айланайын, келдим сага,
Жүрөгүм дегдеп турчу сени гана.
Сени издейм, мени таштап кеткен белең,
Эч ким туйбас балалыктын жомогуна.

Балалыгым, балалыгым,
Сени издеп таба аламбы?
Сен жоксуң, мени таштап кеткен белең,
Эч ким туйбас балалыктын жомогуна.

Балалыгым, айланайын, келдим сага,
Жүрөмүн сени эстеп сагынычта.
Кездешүү эми болбойт жашообузда,
Суранамын, кайрылып кел балдарыма.

Балалыгым, балалыгым,
Сени эстеп сагынармын.
Кездешүү эми болбойт жашообузда,
Суранамын, кайрылып кел балдарыма.

Уйкуман серпилгенде алыс жактан,
Айылдын ак таңдары эске келет.
Жолунун боз чаңдары көздөн учуп,
Көңүлүм өскөн жерге имерилет.

Чыгыш жак ак шоокумдан көйнөк кийип,
Бетинде жылдыз өчөт бийик көктүн.
Апалар таңда туруп уй сааганда,
Желге ойноп жыты келет жылуу сүттүн.

Туулган жер, кудуретиң сагындырып,
Элесиң көз алдыма мелт-калт этет.
Айылыма өзүм жетпей, оюм жетип,
Yмүтүм закымдарга батып кетет.