Ананайын, ананайын,
Аттадың бир ак үйдүн босогосун,
Өткөндү эстеп көңүлүң бошобосун.
Кайда жүрсөң бактылуу болоруңду,
Мен кааладым, мен кааладым.
Кеттиң кайда, кеттиң кайда?
Күттүрбөстөн тезирээк келчи кайра.
Мен өбөйүн бетиңден кайра-кайра.
Кайда жүрсөң бактылуу болоруңду,
Мен кааладым, мен кааладым.

Кара көзүм, кара көзүм,
Кара көзүм, карегиңден карачу элем.
Асмандагы жылдыздай самачу элем.
Кайда жүрсөң бактылуу болоруңду,
Мен кааладым, мен кааладым.
Сен ошондо, сен ошондо,
Жашың жетип он сегизге толгондо.
Сенин тоюң башка менен болгондо,
Кыялбастан ал тойго мен барганда,
Сен карадың көз кырыңдан.

Кош бол, жаным, кош бол, жаным,
Мен сен менен түбөлүккө коштошомун.
Аргасыздан мен башкага баш кошомун.
Кимге барсаң бактылуу болоруңду,
Мен кааладым, мен кааладым.
Ананайын, ананайын,
Аттадың бир ак үйдүн босогосун,
Өткөндү эстеп көңүлүң бошобосун.
Кайда жүрсөң бактылуу болоруңду,
Мен кааладым, мен кааладым.

Конокко куш келипсиз, кудача кыз,
Бийлеңиз, ырдасаңыз кубанабыз.
Жарк эткен айдай болуп, күндөй болуп,
Жылмайып коюңузчу, суранабыз.
Ээ-эээй, ий-ии-ий-ий, аа-аай.
Кудача кыз, биз менен качан болот тамашаңыз?
Биз менен качан болот тамашаңыз?

Байландым упузун, ай, чачыңызга,
Укмуштай капкара экен кашыңыз да.
Калбайбы көңүлүңүз биле албадым,
Суктанып жакын барсам жаныңызга.
Ээ-ээээй, ига-ига-ига,
Кудача кыз, биз менен качан болот тамашаңыз?
Биз менен качан болот тамашаңыз?

Супсулуу кара көздүү кудача кыз,
Сиз үчүн керек болсо кыр ашабыз.
Көтөрсөк көкүрөктү кечиресиз,
Жакшылап карап көрүп бааласаңыз.
Ээ-эээээй, ии-ии-ии-ий,
Кудача кыз, биз менен качан болот тамашаңыз?
Биз менен качан болот тамашаңыз?

Үйүңүз Ала-Тоонун этегинде,
Коштошуп гул берейин кетериңде
Узатсам кандай сонун болор эле,
Беттен сүйүп үйүңүзгө жетеримде.
Ээ-эээээй, ига-ига-ига-ига-ига,
Кудача кыз, биз менен качан болот тамашаңыз?
Биз менен качан болот тамашаңыз?

Экөөбүз жолукчу жер, колдүн жээги аба салкын,
Күнүгүдөн баскандарың бүгүн, эртең арбын-арбын.
Шашкансып толкундарды кечип өттүм,
Кол сунуп жолугаарда ойго чөктүм
Оюмда эч нерсе жок кучактасам
Башкага жар болдум деп ыйлап өттүң.

Махабат бооруң ташпы, агыздыңго көздөн жашты,
Бактымды кармай албай бул сүйүүдөн көңүл калды
Тилеген ой бар эле дагы канча,
Сөз бүтпөй сүйлөшчү элек ай чыкканча.
Алтыным кош болгун деп кете бердиң
Көзүмдөн акты жашым узаганча...

Кызарып күн жаңыдан тоого кире баткан эле,
Көл дагы коштошконсуп жээкке сууну чачкан эле.
Кааларым бакыт кушун табарыңды,
Соолубай гүлдөй болуп жанарыңды.
Кош эми түбөлүккө бактылуу бол
Унутпа сени сүйгөн адамыңды.
Унутпа сен деп жүргөн адамыңды.

Айылды бүгүн эскердим,
Ак шамдар жанган кечтерин.
Апакем уй саап короодо,
Адырдан ойноп кеч келдим.

Кайырма:
Апакем кайда? Мен кайда?
Адырлуу, жашыл төр кайда?
Убакыт өтпөй табышмак,
Уктабайм түндө далайга

Жоругу тентек балдарбыз,
Жоогазын терип алганбыз.
Жок дүйнө менен алышып,
Жомокто жашап калганбыз.

Кайырма

Айылды бүгүн эскердим,
Ак шамдар жанган кечтерин.
Апакем уй саап короодо,
Адырдан ойноп кеч келдим.

Кайырма

Сыртта жамгыр, биз экөөбүз кафеде,
Сыр чечише көпкө отурдук бул жерде.
Назданасың, жерди карап сөз айтып,
Жезде дейсиң, андай дебе, байке де.

Кайырма:
Ширин, ширин сөзүңдөн,
Жылдыз жанат көзүңдөн.
Сылап, сылап алгым келди,
Чачтарыңдан өрүлгөн.

Сүйүү деңиз, биз экөөбүз кемеде,
Жүрөгүмдү туйлатасың эмне эле?
Отун жактың сезимдерге сүйүүнүн,
Болду эми, жигитиңди кел дебе.

Кайырма:

Биз агенттен таанышканбыз жаңы эле,
Тизмегимде сендей кыздар аз эле.
Күнү-түнү тажабай, күнү-түнү тажабай,
Биздин сөздөр бүтпөй келет дагы эле.

Кайырма:
Бүгүн неге капалуусуң, каралдым?
Ачып көрүп статусуң карадым.
СМСке бир да жооп ала албайм,
Анда эмесе блогумдан жазайын.
Бүгүн неге капалуусуң, каралдым?
Ачып көрүп статусуң карадым...

Ооба, селки, болом дейсиң Нарындан,
Бирок сени көрбөгөнмүн, тааныбайм.
Бирде калат жазылып, кээде калат жашынып,
Мүнөзүң бар тамашага таарынган.

Кайырма:
Бүгүн неге бактылуусуң, каралдым?
Ачып көрүп статусуң карадым.
Тажабастан сүйүү сөзүн жазышып,
Макул болчу жолугууга барайын.
Бүгүн неге бактылуусуң, каралдым?
Тосуп алчы жолугууга барайын...

Бүгүн неге капалуусуң, каралдым?
Ачып көрүп статусуң карадым.
СМСке дагы жооп ала албайм,
Анда эмесе блогумдан жазайын.
Бүгүн неге жүрөк турат, каралдым?
Макул десең жолугууга барайын...

Кызыгамын сага, кызым, сылык мүнөз,
Кызыл гүлүм сен менин.
Көчөдөн мен көрсөм кызганамын,
Сулуу селким сен менин.
Кечээ келсем бийге сен да жүрдүң,
Көп кыздарга аралаш.
Көп жигитти кызыктырат сенин,
Ичке сындуу чып белиң.

Кайырма:

Делбирим, ай, делбирим, ай, ай, ай,
Делбирим, ай, делбирим, ай, ай, ай, ай.
Сенсиң менин делбирим, ай, ай, ай,
Делбирим, ай, делбирим.

Кечээ кирдиң сен түшүмө менин,
Жанымда сен жаш келин.
Мен ошондо сездим махабаттын,
Кудуретин, күч-демин.
Бүгүн барам сага гүл көтөрүп,
Күтөсүңбү, делбирим?
Мен айтамын өз сүйүүмдү сага,
Ай перим, ай, ай перим.

Кайырма:

Аткан таңды, баткан күндү тең көрүп,
Бир дарактын бариктери өңдөнүп.
Ортобузда орой мүнөз болгон жок,
Бапырашып, бар нерсени тең бөлүп.

Кайырма:
Достор, достор, достор, ай.
Өмүр жолун кошкон, ай.
Жашоодогу жакшы күндү,
Силер менен тоском, ай.

Жашыбыздан ыйман-ызат деп көндүк,
Адал иштеп, ак эмгекти эп көрдүк.
Жаратканга тобо кылам, турмуштун,
Ачуусунан таттуураагын көп көрдүк.
Кайырма

Кол жылытар, коломто отун күйгүзчү,
Дос кадырын турмуш тактап билгизди.
Аёо сезим, аппак болсо дилибиз,
Өткөнгө бир тартып турар сый бизди.

Кайырма:

Кирдетип коёмбу деп,
Кичине колум жетсе.
Туу туткан махабатым,
Тура бер күйүп көктө.

Кайырма:
Маңдайга жазганымсың,
Тагдырдан тапканымсың.
Булутсуз асманымсың,
Бүтпөгөн дастанымсың.

Бактыма келген дүйнө,
Бир гана сен деп жүрөм.
Кол жетпес бийигим да,
Бир гана сен деп билем.

Кайырма:
Маңдайга жазганымсың,
Тагдырдан тапканымсың.
Булутсуз асманымсың,
Бүтпөгөн дастанымсың

Үмүттүн ак таңы сен,
Жүрөктүн тапканы сен.
Суранам бир өзүңдөн,
Өтпөсүн өмүр текке.

Кайырма:
Маңдайга жазганымсың,
Тагдырдан тапканымсың.
Булутсуз асманымсың,
Бүтпөгөн дастанымсың.