Жаратканга жакын экен,
Айт майрамы асыл экен.
Курман чалсаң кутуласың,
Балээлерден башың эсен.

Жаратканды унуткандын,
Жан дүйнөсү жакыр экен.
Кулдугу бар, сыймыгы бар,
Кыргыз эли баатыр экен.

Кайырма
Айтыңыз маарек,
Айтыңыз маарек,
Куттуу болсун майрамыңыз!

Ала-Тоосу бийик болуп,
Көкүрөккө үмүт толуп.
Маарек болсун айтыңар деп,
Ак батасы тунук болуп.

Улуулары урмат кылса,
Кичүүлөрү сылык болуп.
Кылымдардан келе жатабыз,
Кыргыз деген улут болуп.

Кайырма
Айтыңыз маарек,
Айтыңыз маарек,
Куттуу болсун майрамыңыз!

Сен экөөбүздө тең бар намыс,
Акыйкатты кайдан табабыз.
Бакыттан билбей алыстап,
Кайгы-муңга чөгүп барабыз.
Бар сүйүүм бийик учпады,
Билинбей жүрөк муздады.
Бүттүндөй дүйнөм аргасыз, булганды

Кайырма:
Башкалардын жүргөнүнө,
Салыштырган сенде күнөө.
Ооба, билем, ойлоруң таза,
Бирок баскан изиң өзгөрүүдө.
Эми жолдон адашпа,
Сен жолдон адашпа,
Сен эми жолдон адашпа...

Эми түшүндүңбү баркымды,
Эми мага күйгөн жансыңбы?
Бир кезде чалкыган дүйнөң.
Көл болбой соолуп тартылды.
Көзгө албай жүрүп эч кимди,
Көздөрүң мени кеч билди.
Канча жыл жүрүп сүйүүмдү сездиңби?

Кайырма:

Беттин көркү нур менен,
Белдин көркү кур менен.
Биз сүйгөн сулуу Мөлмөлүм,
Белгилүү болсун ыр менен.
Эки илебиң кызыл гүл ачылгандай, Мөлмөлүм.
Бир карасаң жүрөккө от
чачылгандай, Мөлмөлүм.
Маңдай чачың Маргалаң
жибегиндей, Мөлмөлүм.
Сенин ышкың баланын
тилегиндей, Мөлмөлүм.

Өтүмдүүсүң Өзгөндүн
күрүчүндөй, Мөлмөлүм.
Созулганың зергердин
күмүшүндөй, Мөлмөлүм.
Майиндигиң жоргонун
жүрүшүндөй, Мөлмөлүм.
Гүлзар кылчы жүрөктүн
какшып жаткан чөлдөрүн.

Күйдүм, Мөлмөл, аппагым,
Ааламдан сендей таппадым.
Издеп-издеп күн-түнү
"Мөлмөлүм!" деп какшадым.
Секин баскан бутуңдан,
Сейдана мончок жытыңдан.
Кадам койгон бутуңдан,
Калемпир мончок жытыңдан.
Чыныга куйган бал болсоң,
Чымындай ага малынсам.
Чыга албай жатып ошондо,
Чын өзүңө багынсам.
Чыгарып койсоң боор ооруп,
Чырагың болуп жагылсам.
Алты оролуп мойнуңа мен,
Ак маржан болуп тагылсам.

Берейин десем малым жок,
Мал табууга алым жок.
Кедейликтин дартынан,
Тышым жалын, ичим чок.
Бирок да мунун баарына
Карабайт экен көңүл шок.
Көрүнүп койсоң бир жолу,
Булуттан чыккан айга окшоп.

Эмне күнөө табышкан тагдырга?
Эки дүйнө бир асман алдында.
Оюн эмес, сүйүүгө кабылган,
Ортобузга түшпөсүн чагылган.

Кайырма:
Эки жүрөк, көздөгөнү бир тилек,
Кубанычка батпай.
Эки жүрөк айрылбастан бир жүрөт,
Кыйындыктан качпай, сүйүүдө...
Эки жүрөк, эки жүрөк...

Улуту жок чыныгы сүйүүнүн,
Даңазалап адамдын бийигин.
Жалгыз асман, бөлбөйлү экиге,
Бүтүн дүйнө, салайын эсине.

Кайырма:
Эки жүрөк, көздөгөнү бир тилек,
Кубанычка батпай.
Эки жүрөк айрылбастан бир жүрөт,
Кыйындыктан качпай, жашоодо...
Эки жүрөк, эки жүрөк...

Атыңды угуп калсам капыстан,
Алоолоп күйүп-жанам унчукпастан.
Унут деп өзүмдү-өзүм алдасам да,
Ичимен берилип улутунам.

Көрө албаска, ал сөздөргө азгырылып,
Мен жүрөм жолун таппай, жазыгымдын.
Таң калам жоругуна ашыгымдын,
Ишенип, ишене албай...

Кайырма:
Азыр деле жашайсың,
Жүрөгүмдөн өчүрө албайм.
Ак сүйүүмдү башка жанга,
Көчүрө албайм, унута албайм,
Баары бир сени...

Күч барбы түйүп коер сүйгөн жанды,
Сен мага ишенбедиң айла барбы.
Канчалык мен өзүмдү-өзүм сооротсом да,
Жүрөктүн буйругуна арга барбы?

Таттуу тилек, максаттар кайда калды,
Кол жеткис көк мелжиген жайда калды.
Курманы болбойлу айың кептин,
Өчпөгөн үмүт калды...

Кыялымдасың, айтпайм эч кимге,
Кыйналып жаздым, жаз келип сезимге.
Карегимдесиң сен деп алоолоп жанган,
Калемимдесиң сүйүү балы тамган.

Кайырма:
Ойгонгум келбейт.
Түшүмдө гана жүзүңдөн сүйө алам.
Оролуп термейт.
Махабатка төшөлгөндөй бүт аалам.
Бактылуубуз кандай...

Ойлорумдасың, сансыз аткан күн батты,
Ойлонуп жаттым, нечен таңдар атты.
Сезимимдесиң гүлзар менен курчалган,
Сезбейт экенсиң ансайын күч алган.

Кайырма:
Ойгонгум келбейт.
Түшүмдө гана жүзүңдөн сүйө алам.
Оролуп термейт.
Махабатка төшөлгөндөй бүт аалам.
Бактылуубуз кандай...
Бир болууга жаралган жандарданбыз.

Кайырма:
Our love is alive and so we begin
Foolishly laying' our hearts on the table,
stumbling' in
Our love is a flame burning' within
Now and then fire light will catch us,
stumbling' in

Мирбек Атабеков:
Wherever you go, whatever you do

You know these reckless thoughts of mine
are followin' you

Чолпонай:
I've fallen for you, whatever you do

'Cause baby you've shown me so many things
that I never knew
Whatever it takes, baby, I'll do it for you

Кайырма:

Мирбек Атабеков:
You were so young, ah, but I was so free

Чолпонай:
I may have been young but baby, that's not
what I wanted to be

Мирбек Атабеков:
Well you were the one

Чолпонай:
Oh why was it me?

Мирбек Атабеков:
'Cause baby you've shown me so many things
that I'd never seen
Whatever you need, baby, you got it from me

Толкунданган сезимиңди байкадым,
Көз ирмебей калганың, эске түшөт ар дайым.
Неге сенин сүйүүң актай албадым,
Сени тиктеп калганым, жүрөгүмдү арбадың.

Кайырма:
Чын сүйүү, чын сүйүү сезими,
Жазгы сүйүү демиби,
Сүйүү мага келдиби?
Сагындым сенин мүнөзүңдү,
Элестетем сүрөтүңдү.
Тагдырым сага байланганбы?
Чын сүйүүгө айланганбы?

Жан жүрөгүм жалгыздыктан тажады,
Кубанычы тарады, бир өзүңдү самады.
Мен өзүмчө тагдырыма таарынам,
Жалгыз сени сагындым, эсте калды карааның.

Кайырма:

Кайырма:
Айтчы, сен белең мени жашоодо күткөн?
Айтчы, сени издеп ааламды айланып бүткөм?
Мага бүт көңүлүм сен,
Мага бүт өмүрүм сен.
Өзүңдү элестетсем, мээримдей төгүлүп сен,
Айтчы, сен белең, мени жашоодо күткөн?

Эй, досум, карачы, жерге тийбей басканын,
Жүр, артынан ээрчийличи карабастан башканы.
Узун чачтары, артка ташталып,
Сүйүп калдым деп айтпаймын.
Балким кетет башталып,
Жакын барып таанышып.
Бирибизге жагышып,
Көз караштар алышып.
Жылдыздардай жанышып,
Уялбастан карачы.
Мен кыргыздын баласы,
Кадамымды саначы.
Толук ыктымал менин барышым,
Кантип мен мынча жыл.
Бир өзүңдү таппадым?
Кантип сендей сулуу,
Көз алдымдан баспады?
Тартип сенде бар экен,
Бүт аалам сага зар экен.
Тартынба айтуудан,
Катылган сырлар бар экен.

Кайырма:

Жанып турган сезимимдин,
Козголгонун карачы.
Жагып калдың, бул чындык,
Сен колумду кармачы.
Кетели, бирге жашоо жолунда,
Сени менен өмүр сонундай.
Мени эгер жактырсаң,
Бирге түшөлү сүйүү торуна.
Бекем кысып боорума,
Мен кармаймын колуңдан.
Даяр бол, бирге болууга,
Адашпайсың жолуңдан.
Мен сен деп, сен мен деп,
Жетели бакыттын соңуна.
Ишенсең мен да ишенем,
Суроом бар сенин жообуңа.
Айтчы, барбы бирөө?
Сени ойго салган күндө?
Уктатпай, күн батпай, сенин сезимдериң жүдөп?
Болсо эгер ошондой жигит,
Бузууга менин акым жок.
Болсом деймин оюңда сенин,
Күтөмүн сенден анык жооп.

Азгырылып, сезим менен ойноп, айрылдым өзүңдөн,
Биздин сүйүүбүздү жомок деп ойлоп.
Сага жагыш үчүн издеп айла,
Жалган айтып алдадым.
Сени жоготуудан коркуп анда.
Көрбөптүрмүн сендей жанды,
Көздөрүңдө сыйкыр барбы?
Көңүлүмдөн орун алдың, орун алдың...
Жан дүйнөмдүн тынчын алып,
Жалын болуп күйүп-жанып, кеттиң алыс!
Сенсиз калдым эми жалгыз.
Кайырма:
Жүрөгүмдү ээлеп алдың,
Бар дүйнөмө бүлүк салдың.
Жалын болуп күйүп-жандым, күйүт салдың.
Бакыт сен жок сезилбеди,
Жүдөттүң го сезимимди.
Сагынычка эзбей эми, келчи деги,
Суранамын кечир мени.

Алоолонуп жүрөк эзип кайра, ар дайым эсимде,
Ал күндөрүм менин соолубас дайра.
Эми сезимдерим издеп айла,
Жалгыздыкка кезигем, сенин "сүйөм" деген сөзүң кайда?
Көрбөптүрмүн сендей жанды,
Көздөрүңдө сыйкыр барбы?
Көңүлүмдөн орун алдың, орун алдың...
Жан дүйнөмдүн тынчын алып,
Жалын болуп күйүп-жанып, кеттиң алыс!
Эми сенсиз калдым жалгыз.
Кайырма:
Жүрөгүмдү ээлеп алдың,
Бар дүйнөмө бүлүк салдың.
Жалын болуп күйүп-жандым, күйүт салдың.
Бакыт сен жок сезилбеди,
Жүдөттүң го сезимимди.
Сагынычка эзбей эми, келчи деги,
Суранамын кечир мени.

Суранамын кечир суранамын.
Кубанычым болуп, кучагыма толуп,
Кайрылсаңчы, сарсанаага алдырбай.
Аясаңчы мени жалгыз калтырбай,
Суранамын кечир мени!

Айдың көлдүн ак куусундай түшкө киргенсиң,
Жан дүйнөмдүн жалгыз сырын өзүң билгенсиң.
Обон сымал жүрөккө жаңырып,
Тумар болуп таңда тагылып,
Бир өзүңдү самап, бир өзүңдү самап мен сүйгөнмүн.

Кайырма:
Таңдагы берметим,
Кол сунуп жетпедим,
Ак куу белең, айперим?

Көлдүн жээгин бойлоп өзүм сага келемин,
Толкундардан издеп улам сүйүү дарегин.
Чолпон болуп жүрөккө жагылып,
Ак куу консо көлгө кайрылып,
Көз жашыма толот, көз жашыма толот карегим.

Кайырма:

Тунук сүйүү, өмүрдө сен ак куу белемсиң?
Издеп жүргөн ай-ааламдан ыйык түнөгүм.
Арман күчөп өмүргө камыгып,
Сени күтүп таңда зарыгып,
Бир өзүңдү эңсеп, бир өзүңдү эңсеп жүрөгүм.

Жарыкка көз жарганда эң оболу,
Толгонуп канча жашы корободу.
Кызыл эт балапандай баланы алып,
Калтаарыбай киндик кескен эне колу.

Кайырма:
Үзүлбөй келечектен күткөн ою,
Үйрөтүп, үзүр көрүү өмүр бою.
Эмгектеп, талпынып жаңы баскан мезгилинде,
Тай-тайлап жетелеген эне колу.

Эзилип эт жүрөгү эчен жолу,
Аластап тийбесин деп эч бир ооруу.
Айланып түн уктабай, азап тартып,
Ак сүтүн эмизген да, эне колу.

Кайырма:

Гүлдөтүп мээрим менен талаа-тоону,
Кең салып, чаап берген турмуш жолун.
Жашоонун үрөнүн сээп, өмүр улап,
Чарчабай эмгектенген эне колу.


Кайырма:

Мөлтүрөп бүлдүркөндөр бышкан кезде,
Асманга бүркүт шаңшып учкан кезде.
Cаамайларын cеңселткен ак кайыңдар,
Самашып сагынычымды,
Самашып сагынычымды уккан кезде,
Барам сага.

Шоолалар кирпигиңди өпкөн кезде,
Ак жамгыр нөшөрлөтө төккөн кезде.
Кубарып кусалыктан ак жүзүбүз,
Көп күндөр арабыздан,
Көп күндөр арабыздан өткөн кезде,
Барам сага.

Ширесин карагаттар чачкан кезде,
Ажарын жоогазындар ачкан кезде.
Кучактап бейкутчулук түн коюнун,
Күн нуру уясына,
Күн нуру уясына баткан кезде,
Барам сага.

Гүлдөргө аарыларың конгон кезде,
Бал чөбүн Ой-Алманын соргон кезде.
Алгачкы биз жолуккан кечтегидей,
Алтын ай асмандагы,
Алтын ай асмандагы толгон кезде,
Барам сага, барам сага.

Керек эмес күндөр бекер күйгөнү,
Кел, замандаш, өзгөртөбүз дүйнөнү.
Табам десең келечекти жаркыган,
Тазалыктан башта үйдөгү.
Кызыл туудай желбиресек оболоп,
Кыргызстан эртең гүлгө оронот,
Бийик тоодой жашап, жапыз болбойлу,
Биз оңолсок, заман оңолот.

Кайырма:
Билим болуп жолдошуң,
Минип акыл жоргосун,
Ала-Тообуз сени колдосун.
Жалгызмын деп ой кылбай,
Кошул биздин толкунга,
Куралат деңиз тамчыдан.

Если хочешь что-то изменить вокруг,
Ты найди слова надежды и любви.
Руку дай тому, кто верит и пойдёт
За тобой в далёкий, верный путь.
Пусть услышит мир дыханье гор твоих,
Как блестят озёра и поют ручьи.
Пусть всегда цветёт земля от слов твоих,
Вместе мы сберечь её должны.

Кайырма:

Булутту камчылай өмүр күүсү уланат,
Теңир-Тоо толготуп, адамзат ойгонуп...
Бакыт кушу конобу деп жергеме,
Балдарынан үмүт кылат эл деле,
Жарык болуп мекенге биз күйбөсөк,
Жалын жашты берди эмнеге?

Кайырма:

Мен сүйсөм да, сен сүйбөйсүң, тумарым,
Түнкү шамдай өчүп барат ыраңың.
Таш боор белең жүрөгүңдө мээрим жок,
Аясаңчы, аясаңчы, аясаңчы, тумарым.
Тумарым, ай-ай, тумарым,
Аясаңчы, менин сүйгөн тумарым.

Жүрөгүмдөн кайнап чыккан махабат,
Күндөн-күнгө кайгы-капа жаратат.
Сенин атың, сенин сүйкүм элесиң,
Жүрөгүмдө тумар болуп сакталат.
Тумарым, ай-ай, тумарым,
Аясаңчы, менин сүйгөн тумарым.

Билемин сүйүүм сага түбөлүккө сакталат,
Жашоонун жарык нуру бир өзүңө арналат.
Сүйүүмдүн ачылбаган барактары өзүң менен го,
Жазгы таңдан нур төктүң го,
Жан дүйнөмдү гүлдөттүң ай, ай,
Асманда толуп турган айдай,
Агарып жаркыраган таңдай,
Түбөлүк жүрчү мени жандай,
Жаныңда болуу бакыт кандай,
Өзүңдү сүйө берем танбай,
Өмүрдү жалгыз сага арнай.

Сен десем сезимимде канат байлап уча алам,
Сезилет бир өзүңдөн жаралгандай бүт аалам.
Гүлүмдүн жыпар чачып жаңы ачканы өзүң элең го,
Жазгы таңдай нур төктүң го,
Жаныңан гүлдөттүң ай, ай,
Асманда толуп турган айдай,
Агарып жаркыраган таңдай,
Түбөлүк жүрчү мени жандай,
Жаныңда болуу - бакыт кандай,
Өзүңдү сүйө берем танбай,
Өмүрдү жалгыз сага арнай.

Ысык-Көл бизге кучак жайып,
Ысык-Көл бизди күтөт дайым.
Ысык-Көлдүн ажайып жайы,
Ысык-Көлгө эмне жетсин!
Таптаза, тунук, кереметсиң,
Касиеттүү Ысык-Көл!

Кайырма:
Эс алдырып Ысык-Көл,
Баарыбыз пляжда.
Кыздар бут жерде,
Балдардын ою башка
Эс алдырып Ысык-Көл,
Музыка таң атканча.
Келгиле биз менен чогуу
Баарыбыз кайталап "көл".

Ысык-Көлдүн толкундары,
Ысык-Көлдүн алтын кумдары.
Ысыган жандардын кумары,
Ысык-Көлгө эмне жетсин!
Таптаза, тунук, кереметсиң
Касиеттүү Ысык-Көл!

Кайырма:

Көңүлүмө бөлөнүп,
Мээримиңе чөмүлүп,
Бир өзүңө суктанам,
Жамгыр болуп төгүлүп.
Мен да ыраазымын сага,
Ушул келген бактыма,
Жалгыз жүрөгүм эңсейт сени гана!

Кайырма:
Жүрөгүмдөн чыккан сырларым,
Кубандырып турабы?
Махабаттын, сүйүү ырларын,
Сага гана арнайын.

Жаркыраган жылдызым,
Жалгыз сенсиң ырысым.
Жан жүрөктү эргиткен,
Жалгыз сүйүүм сен белең?
Мен да ыраазымын сага,
Ушул келген бактыма,
Жалгыз жүрөгүм эңсейт сени гана!

Кайырма:

Эң кымбат белектей,
Өмүрдү кадырлаш керектей.
Жеттимби баркына?
Аптыгам айта албай,
Артыма кайта албай.
Көнсөм да адамдын дартына,
Көнбөй койдум калпына!

Кайырма:
Бала кезге баргым келет,
Жалганды билбеген,
Жай-кышы гүлдөгөн.
Адам бойдон калгым келет,
Мансапка байланбай,
Маңкуртка айланбай,
Ак жашап...

Өткөндү кектебей,
Пейилиңди оңдосоң,
Өзүмчүл болбосоң.
Чындыктан четтебей,
Адамды сыйласаң,
Жан дүйнөңдү нур басат.
Көнсөм да адамдын дартына,
Көнө албадым калпына!

Кайырма

Бала кезге баргым келет,
Адам бойдон калгым келет.
Мансапка байланбай,
Маңкуртка айланбай,
Ак жашап,
Ак жашап...

Көңүлүмө бөлүнүп,
Мээримиңе чөмүлүп,
Бир өзүңө суктанам,
Жамгыр болуп төгүлүп.
Мен да ыраазымын сага,
Ушул келген бактыма,
Жалгыз жүрөгүм эңсейт сени гана!

Кайырма:
Жүрөгүмдөн чыккан сырларым,
Кубандырып турабы?
Махабаттын сүйүү ырларын,
Сага гана арнайын.

Жаркыраган жылдызым,
Жалгыз сенсиң ырысым.
Жан жүрөктү эргиткен,
Жалгыз сүйүүм сен белең?
Мен да ыраазымын сага,
Ушул келген бактыма,
Жалгыз жүрөгүм эңсейт сени гана!

Кайырма

Көңүлүмө бөлүнүп,
Мээримиңе чөмүлүп,
Бир өзүңө суктанам,
Жамгыр болуп төгүлүп.
Мен да ыраазымын сага,
Ушул келген бактыма,
Жалгыз жүрөгүм эңсейт сени гана!

Кайырма:
Жүрөгүмдөн чыккан сырларым,
Кубандырып турабы?
Махабаттын сүйүү ырларын,
Сага гана арнайын.

Жаркыраган жылдызым,
Жалгыз сенсиң ырысым.
Жан жүрөктү эргиткен,
Жалгыз сүйүүм сен белең?
Мен да ыраазымын сага,
Ушул келген бактыма,
Жалгыз жүрөгүм эңсейт сени гана!

Кайырма: