Кечээ тиккен дарагым, мөмө берет дедиңби,
Жерге көмгөн данегим өнө берет дедиңби.
Мына ушинтип базарым өтө берет дедиңби
Айтканымдын баарын эп көрүп
Бул бечара жүрө берет дедиңби

Кайырма:
Үй-бүлөсүн ал кечип тентип кетти дейсиңби,
Мени чанып башканы ээрчип кетти дейсиңби,
Күйүтүнө чыдабай ичип кетти дейсиңби,
Эми, эми мага баары бир
Жоктугума шүгүр дейсиңби
Кеч түшүнүп аттиң дейсиңби

Байчечекей чилдеде гүлдөй берет дедиңби
Ырыскысын кудайым үзбөй берет дедиңби
Акыл айтсам мен сага сүйлөй берет дедиңби
Айтканымдын баарын эп көрүп
Бул селсаяк түтө берет дедиңби,

Үй-бүлөсүн ал кечип тентип кетти дейсиңби,
Мени чанып башканы ээрчип кетти дейсиңби,
Күйүтүнө чыдабай ичип кетти дейсиңби,
Эми, эми мага баары бир
Куйрук эмес буйрук жейсиңби
Кеч түшүнүп аттиң дейсиңби

Кемибестен ырыскым толо берет дедиңби,
Бакыт кушу күндө эле коно берет дедиңби.
Эмне кылсам мен булга боло берет дедиңби
Айтканымдын баарын эп көрүп
Бул бечара жүрө берет дедиңби
Көнө берет дедиңби

Кайырма:

Чейрек кылым өткөрдүк,
Эркиндикке эркелеп.
Алга жылбай келебиз,
Башкалардай эртелеп.
Союз кезде баарыбыз,
Тең укуктуу болчу элек.
Бай кедей деп бөлүнбөй
Бактылуулук көрчү элек.

Азыр жашоо өзгөрдү,
Акчалуулар кеп айтат.
Баш бербеймин эчкимге,
Баарын чечем деп айтат.
Келечектен коркомун,
Кандай заман келатат?
Кайра-кайра титиреп,
Кайгырганын жер айтат.

Ар бир атуул башына,
Карыз түштү калдайган.
Эл көрбөдү пайдасын,
Чоңдор өзү кайтарган.
Кайда кеткен ал акча,
Издебейли сайлардан.
Жинди деле түшүнөт,
Сураш керек байлардан.

Завод менен фабрика,
Жиликтенип жок болду.
Жыргап жүрөт саткандар,
Тоок уурдаган соттолду.
Бекем болбой тартиби,
Мыйзам байкуш бош болду.
Сойку сатып алгандай,
Алса болот сотторду.

Элден чыкпай депутат,
Байдан чыгып отурат.
Элпек болбой ал өкүл,
Каалагандай кутурат.
Иши менен кыйратпай,
Тили менен тутулат.
Мыйзам бузуп кармалса,
Пулун берип кутулат.

Мода кууп жаштарың,
Билим калды окулбай.
Сериал көрүп чоң эне,
Байпак калды токулбай.
Жемиш келип Кытайдан,
Жерлер калды чокулбай.
Балдар калды төрөлбөй,
Элдин саны кошулбай...

Артка кетип жатканга,
Ак үй эмес күнөөкөр.
Акыл калчап көрөлү,
Өзүбүздө күнөөлөр.
Азыр ыйман жок болуп,
Окулбайтат сүрөөлөр.
Жемин чачып башкарат,
Алыс жактан бирөөлөр.

Мамлекеттин кайгысын,
Парламенттен көрсөңөр.
Пулун алып шайлаган,
Күнөө бизде билсеңер.
Оңололу өзүбүз,
Үмүт менен жүрсөңөр.
Жүрөк менен шайлайлы,
Туулган жерди сүйсөңөр...

Акча алып кыйкырбай,
Эл жер үчүн чыгалы.
Жанды бакпай итке окшоп,
Элге кызмат кылалы.
Алаксыбай башкага,
Эл көңүлүн буралы.
Үлгү болуп жаштарга,
Ыйман нурун суналы.

Тартуу кылып бул ырды,
Тарых үчүн сыямын.
Оңололу баарыбыз,
Мен да өзүмдү тыямын.
Жаркын болот келечек,
Жакшылыкты туямын.
Жаркырасын Кыргызстан,
Жалгыз ушул кыялым.

Коңшулаш айылдан кезиккен,
Коңгуроо үнүңдү эшиткем.
Корооңо кире албай коштошуп,
Кол булгап калчу элем эшиктен.
Агымын турмуштун кече элек,
Анда сен кыз элең секелек.
Кош булак өңдөнүп экөөбүз,
Кошулуп бир аксак дечү элек.

Кайырма:
Фаридам, Фаридам...

Аттиң, ай, өкүнөм эмгиче,
Адырдан гүл терип бергиче.
Алтыным, башкага кеттиң сен,
Алыстан кайрылып келгиче,
Азапка бактысын байлаган.
Армансыз жашоодо барбы адам?
Жоготкон күндөрдү, ай, эстедим.
Неге сен жолуктуң кайрадан?

Кайырма:

Балбылдап көздөрүң карагат,
Басчу элең жүрөктү, ай, жаралап.
Бактылуу боло көр, кош эми,
Балалык ак сүйүүм аманат.

Кайырма:

Асман жалгыз, мен жалгыз,
Адам болбойт армансыз.
Тузагында тагдырдын,
Бирге болбой калганбыз.
Эсте уюп элесиң,
Унута албай бир өзүң.
Турмуш бизди бир кылбай,
Туюп сүйүү жемесин.

Кайырма:
Сагынамын, сагынамын,
Неге, жаным, кайрылбадың?
Сагынамын ардагым деп,
Санаа тарттым жообун издеп.
Күтүп келем, күтүп келем,
Карааныңды үмүт менен,
Кең дүйнөдөн жай таба албай,
Күтүп келем, күйүп денем.

Уйкусуз таңдар атты,
Жан дүйнөм алдан азды.
Ой бөлүп эстей берип,
Жалгыздык жанга батты.
Өчүрө албай жүрөгүмдөн,
Өрт-жалында жүрөсүң сен.
Өмүр өтүп кеткиче,
Бир өзүмө келесиң сен.

Кайырма:

Үнү менен, күлкү менен, бийи менен,
Башкаларды таң калтырган элденбиз.
Манас айтып, комуз чертип, калпак кийип,
Канча миң жыл тарых менен келгенбиз.
Бабалардан бизге мурас калтырган.
Сактайбыз сахнаны.
Урпактардан урпактарга түбөлүк,
Сактайбыз сахнаны.

Кайырма:
Тагдырымдын жазганы маңдайга,
Сыймыктанам, жар салам мактана.
Ырыскы бар, бакыт бар, сыйкыр бар,
Биз жашаган, биз сүйгөн сахнада.
Комуз кылын ойнотуп жаңырта,
Кыз-жигит көп, таланты таш жарган,
Элим турса кубаттап, кол чаба.
Урпактарың үзүлбөйт сахнадан.

Арманыңды же сыркоолоп калганыңды,
Мына ушул жерден унута аласың.
Кадырласа калкым сенин өнөрүңдү,
Канатыңа канатыңды тагасың.
Баарынан да эң кымбаттуу, эң сыймык.
Ырчыга бул сахна,
Жашообуздун түйшүгү көп, жыргалы да,
Биз турган сахнада.

Бактылуу бол карындашым,
Барган жериң багыңды ачсын.
Баары сага суктанышып,
Жакшы келин болсун атың.
Апасынын канаттары,
Атасынын эркетайы,
Агасынын балапаны,
Биздин үйдүн кенжетайы.

Кайырма:
Карындаш, ак багыттын жолундасың,
Карындаш, ак тилектер орундалсын.
Табылбас, жүрөгүңөр толкундасын,
Жалын жаш агасынын балапаны.

Кош ак куудай канат кактың,
Кош жүрөктөр жалындасын.
Жүрөгүңөр биригишип,
Түбөлүктүү сүйүү тапсын.
Апасынын канаттары,
Атасынын эркетайы,
Агасынын балапаны,
Биздин үйдүн кенжетайы.

Кайырма:
Карындаш, ак багыттын жолундасың,
Карындаш, ак тилектер орундалсын.
Табылбас, жүрөгүңөр толкундасын,
Жалын жаш агасынын балапаны.

Келечекке карай,
Кең турмушту самай.
Ыйык мекен мага,
Ырыс, бакыт, таалай.
Аруу сунган таңдай,
Аргымактай талбай
Кыргызстаным менин,
Күндөй жана айдай.

Кайырма:
Кыргызстаным, өзүң менен,
Үмүт жанып, тилек орундайт.
Кыргыз болуп калганыма,
Сыймыктанып, жүрөк толкундайт.

Ата салтын улап,
Жашайт калкым ынак.
Өлкө куту болуп,
Энелер бар чырак.
Улуу жолду курап,
Баба сөзү улуурак
Эр-жигиттер дайым,
Мекен үчүн турат.

Кайырма:

Мөлтүрөп көздөрүң, мен үчүн көркөмүң,
Сезилет сүйүү балындай,
Эркем, ай, күлгөнүң, эңсесем, түрлөрүн
Гүлдөрдүн сулуу агындай.

Кайырма:
Карагат көзүңдүн,
Ушул сен өзүңдүн
Керемет сулуулугуң бар.
Эзилет жүрөгүм,
Сени издеп жүрөмүн,
Садагам, сени сүйөмүн.

Бир болсо оюбуз, бириксе жолубуз
Багыма сени жазгандай.
Элдерден издедим эркиме берилип
Эми мен сени тапкандай.

Кайырма:

Жүзүнө жылдыз тагынган,
Бийчи кыз өттү жанымдан.
Жыпарың эстен тандырган,
Жыттагым келет, тартынам.

Кайрылып өтсөң жанымдан,
Кайышып кетет кабыргам.
Канткенде сага жагынам,
Арзуумду арнайм, татынам.

Кайырма:
Келчи, жаным, келчи
Чимирилип бийлей берчи.
Келчи, жаным, келчи,
Жүрөгүңдөн орун берчи.
Жүрөгүм да ооруп кетти.

Бийлеп көздү тандырган,
Таттуу карек жамынган.
Ак жибектей ийилген,
Ак куулардын бири сен.

Эмне эле сага ээленем,
Оюмдан кетпей сен деген.
Эселек сезим ээлеген,
Кезикким келет сен менен.

Кайырма:

Ананайын, ананайын,
Аттадың бир ак үйдүн босогосун,
Өткөндү эстеп көңүлүң бошобосун.
Кайда жүрсөң бактылуу болоруңду,
Мен кааладым, мен кааладым.
Кеттиң кайда, кеттиң кайда?
Күттүрбөстөн тезирээк келчи кайра.
Мен өбөйүн бетиңден кайра-кайра.
Кайда жүрсөң бактылуу болоруңду,
Мен кааладым, мен кааладым.

Кара көзүм, кара көзүм,
Кара көзүм, карегиңден карачу элем.
Асмандагы жылдыздай самачу элем.
Кайда жүрсөң бактылуу болоруңду,
Мен кааладым, мен кааладым.
Сен ошондо, сен ошондо,
Жашың жетип он сегизге толгондо.
Сенин тоюң башка менен болгондо,
Кыялбастан ал тойго мен барганда,
Сен карадың көз кырыңдан.

Кош бол, жаным, кош бол, жаным,
Мен сен менен түбөлүккө коштошомун.
Аргасыздан мен башкага баш кошомун.
Кимге барсаң бактылуу болоруңду,
Мен кааладым, мен кааладым.
Ананайын, ананайын,
Аттадың бир ак үйдүн босогосун,
Өткөндү эстеп көңүлүң бошобосун.
Кайда жүрсөң бактылуу болоруңду,
Мен кааладым, мен кааладым.

Бапестеп балын берген,
Балапан баскан кезден.
Айланам мээриңден, алтын апакем.
Суранам Теңиримден
Тең карып сени менен
Тиреги бүлөбүздүн, асыл атакем.
Чоңоюп эр жетсем да,
Бөбөктөй көрүп мени жаным апа
Дүйнө сулуу сени менен.

Кайырма:
Менин апакем, алтын апакем
Актаар бекем, ак сүтүңдү мен,
Менин апакем, алтын апакем,
Ааламдай кең ак пейилиңден.

Жүрөгүң картайбасын,
Аябайм тамчы каным
Күн болуп тийген жалын, алтын апакем.
Түн уйкуң бузсам дагы,
Бал сүтүң берип бактың
Бактылуу кылам сизди, алтын апакем.
Чоңоюп эр жетсем да,
Бөбөктөй көрүп мени, жаным апа
Дүйнө сулуу, сени менен.

Кайырма:

Жан дүйнөмдү сага арнадым, жаным,
Жанымдын жыргалы өзүңсүң.
Ак сүйүүмдү сага арнаймын, жаным,
Келсеңчи сагынтпай өзүмдү.

Кайырма:
Сагынып, сагынычтан мен кусага батамын,
Жаным деп айткандан тажабайм.
Эңсейм сенин өзүңдү,
Көргүм келет көзүңдү,
Жанды кыйнап жалгыздатат кусалык.

Жанымда турсаңчы жайдары, жаным,
Ачылып, көңүлүм кубанат.
Назданасың мээримиң төгүп, жаным,
Ашыгым, арнаймын өзүмдү.

Кайырма:
Ашык болуп сага умтуламын, жаным,
Кабыл алчы, сенден суранам.
Сенсиз жашай албайм, түшүнсөң, жаным,
Арбалып өзүңө тартылам.

Кечир мени, көргөн кезде сүйүнсөм,
Кечир мени, сүйөмүн деп бүгүлсөм.
Санааңды бүт көкүрөгүң үшүтүп,
Самаайыңа сары кардай күбүлсөм.

Кечир мени, тынчыңды алып кыйнасам,
Кечир мени, кош деп коюп кыйбасам.
Кечир мени, жоготконду көп издеп,
Көөдөн толгон кусалыкты тыйбасам.

Кайырма:
Кечир мени, эшигимди бекиттим,
Гүл көтөрүп сунбаймын мен, кечиктим.
Көңүл бүрүн байкабастан сындырып,
Айрылуунун ачуу үнүн эшиттим.

Жамалыңа болбой эле арбалдым,
Неге мынча унута албай кармалдым.
Айланчыктап үмүтүм эч үзө албай,
Мен өзүмдүн сезимиме алдандым.

Кайырма

Жаралгансып менде сезим ушундай,
Калгым келди сени колдон учурбай.
Буйурбаптыр сени мага акыры,
Жүрөк сайрайт тоонун жалгыз кушундай.

Кайырма

Мага жагат сенин сырдуу мүнөзүң,
Жагат мага жан эргитип күлгөнүң.
Келишимдүү ай чырайың унутпай,
Үмүт үзбөй жашап жүрөмүн.

Кайырма:

Тартынам жаныңа бара албай,
Сүйүүмдү сага мен айта албай.
Келсеңчи алтыным жаныма,
Шоола чачкан аппак таңдай.

Тагдырдын жазган белеги белең,
Жалгыз гана бир мен үчүн жаралган.
Элестетем сенин назик жүзүңдү,
Кундуз чачың желге таралган.

Кайырма:

Мен бул жашоодо жалгызмын,
Мен, мен сүйүүдө алсызмын.
Мен унута албай кыйналдым,
Мен карааныңа байландым.

Кайырма:

Сенсиз кыйналдым, эңсейм өзүңдү,
Жүрөгүм сыздайт, асыл жарымсың.
Жаным, берекем, күтөм сагынып,
Неге жолуктуң, кайра жоготтум...
Сенсиз жашоом жок, жүрөгүмдө чок,
Жоготкон сүйүү, артка да жол жок...

Сен кайрылбадың, келбедиң,
Сен жан дүйнөмдү сезбедиң.
Сен чексиз сүйө албадың,
Сен жүрөгүмдү сыздаттың.

Кайырма:

Жан дүйнөмдү сага арнадым, жаным,
Жанымдын жыргалы өзүңсүң.
Ак сүйүүмдү сага арнаймын, жаным,
Келсеңчи сагынтпай өзүмдү.

Кайырма:
Сагынып сагынычтан мен кусага батамын,
Жаным деп айткандан тажабайм.
Эңсейм сенин өзүңдү,
Көргүм келет көзүңдү,
Жанды кыйнап жалгыздатат кусалык.

Жанымда турсаңчы жайдары, жаным,
Ачылып көңүлүм кубанат.
Назданасың мээримиң төгүп, жаным,
Ашыгым, арнаймын өзүмдү.

Кайырма:
Ашык болуп сага умтуламын, жаным,
Кабыл алчы, сенден суранам.
Сенсиз жашай албайм, түшүнсөң, жаным,
Арбалып өзүңө тартылам.