Турмуштун түшүп жолуна,
Түйшүгүн артып мойнуңа.
Тартыпсың даалай азапты
Түндөрдүн түркүн койнунда

Кайырма:
Апакем асыл ардагым
Жаштыгың бизге арнадың
Убай көр эми уул-кыздан
Амандык тилейм ар дайым

Балам деп дайым көшөрүп,
Тогуз ай бойдо көтөрүп
Мээнетиң сездим апаке
Азыр мен бала көтөрүп

Кайырма:

Биз кайдабыз, калдык топтолбой?
Тизгиндеген бизди бош койбой.
Самасак да улам жаңыны,
Сагыныч бар эски достордой.

Артта калды дүйнө жоктолбой,
Алып учат мезгил жоктобой.
Бааласак да жаңы бакытты,
Баркка жетпес эски достордой.

Арманы көп күнгө коштолбой,
Ар-кай жерде күйгөн от болбой.
Жалындайлы бүгүн чогулуп,
Табылбастыр эски достордой.

Бала кезден жанды кошкондой,
Бар бололу таңды тоскондой.
Жардылык жок, жаңы кылымга,
Байлыгым бар эски достордой.

Сен дегенде сен дегеним сен деген,
Сенден бөлөк көрбөгөнүм көрбөгөн.
Сен дегенде секетим деп ичимден,
Сезимдердин бүтпөй,
Сезимдердин бүтпөй,
Сезимдердин бүтпөгөнү бүтпөгөн.

Сени ойлосом ойлогонум ойлогон,
Сени ойлонбой койбогонум, койбогон.
Сен дегенде жарк дей түшүп кабагым,
Сезимдердин тойбой,
Сезимдердин тойбой,
Сезимдердин тойбогону тойбогон.

Көңүл сен деп түтпөгөнү, түтпөгөн,
Көп санаанын бүтпөгөнү, бүтпөгөн
Сенден калган күн курусун, курусун,
Сезимдерден ким ай,
Сезимдерден ким ай,
Сезимдерден ким өчүрөт күч менен.

Сен дегенде кыялдарым кыялдай,
Кыйналамын кыялдарды тыя албай.
Сенден мага жалгыз гана сөз керек,
"Сендикмин" деп шыбыр,
"Сендикмин" деп шыбыр,
"Сендикмин" деп шыбырап кой уялбай...

Сагындырба, сагынбайын,
Сени күтүп зарыгамын.
Сүрдөтпөчү, сүрдөбөйүн,
Карааныӊдан кагылайын.

Ошол күндү эстедиӊби?
Жүрөгүмдү эзбедиӊби.
Көрбөй калсам сагынчу элем,
Карагаттай көздөрүӊдү.

Балбылдашым мага карап,
Өткөн күндү эске салат.
Байкатпастан келсеӊ боло,
Атаганат, атаганат!

Жолукканда тайсалдайсыӊ,
Сырымды мен айта албаймын.
Сагындырбай келсеӊ боло,
Маралдайым, аркардайым.

Ойлосом көңүл ток эле,
Ооматы ойдо жок эле.
От болуп күйгөн мезгилде,
Отуз жаш ойдо жок эле.

Абайлап жүрбөй кокустан,
Ашыпмын бүгүн отуздан.
Ой, эми шашпа кайда деп,
Артымдан жанат отуз шам.

Күлкүдөн кумар таркабай,
Кырк жашты салдым аркага.
Өмүрдүн кызык учурун,
Өткөргөн экенмин байкабай.

Салтанат күүсүн көп угам,
Шаңданып калам мен улам.
Кырчындай жаштык турганда,
Кырк жаштан өтүп не кылам?

Карылык деген кашаң ат,
Картайтат экен жакалап.
Картайтса мейли картайтсын,
Картайтпайт бизди махабат.

Оюмдун түбү бүтө элек,
Жаштыктын оту өчө элек.
Түшсө да бырыш чекеге,
Жүрөккө бырыш түшө элек.

Кубанычтар дайра болуп агылып,
Келин келет ак шөкүлө жамынып.
Куттукташып жубайлардын үлпөтүн,
Той башталды алакандар чабылып.

Кайырма:


Бийлейли, бийлейли, жаш селки, турба!
Бийлейли, бийлейли, кошто жигит ырда.
Бактылуу болгула, ишке ашып оюңар,
Кут болсун, кут болсун үйлөнүү тоюңар.

Ак тилектер ак ниеттен айтылып,
Апалардын чачыласы чачылып.
Кана эмес ак-жол тилеп эки жашка,
Каалайлы, узун өмүр, чексиз бакыт.

Жоодураган көздөр көзгө куралып,
Жашагыла жазгы гүлдөй буралып.
Абийирдүү, арнамыстуу болсун деп,
Ата-энелер бата берет кубанып.

Кайырма:

Көк асманда сүттөй ай,
Биздин сөздөр бүтпөй ай.
Сансыз жылдыз жагылат,
Жашообузду аруулап,
Жаштык ыры жаңырат.

Кайырма:
Э-эй, бизге заман жылмайды,
Суктандырып күндү, айды.
Күлкү чачып, кыз-жигит,
Кел, бийлейли, ырдайлы.

Күлгүн курак, гүл курак,
Күндө жаңы ыр курап.
Кайгы сезбей мүнөткө,
Күлкү толуп жүрөккө,
Шаттык менен күн өтсө.

Кайырма:

Ырлар, ырлар, ырлар ай,
Жашообуздун жыргалы ай.
Күлкү чачып өмүргө,
Көкөлөсүн көңүлдөр,
Көркүн ачты өмүрлөр.

Көчө бойлоп басып каткырабыз,
Көркөм сулуулукту жактырабыз.
Сезимди жүрөктөн билдире албай,
Кыялдарды дайым шаштырабыз.
Шок жигиттин баарын жактырабаз,
От сезимдин баарын айттырабыз.
Жетелеген сымал колдорунан,
Аркабыздан азап тарттырабыз.

Кайырма:
Шайыр кыздар, жигиттерди бийге тарталы,
Шоктук кылып сүйүү сөзүн биз да айталы.

Курбу кыздар, шайыр ойнойлучу,
Куру сөзгө көңүл койбойлучу.
Кусалуу күндөрдү артка таштап,
Сүйүүнүн деңизин бойлойлучу.

Сулуу кыздар, сырды ачалычы,
Жаман сөздөн алыс качалычы.
Унутулгус күндөр ушул болсун,
Махабат белесин ашалычы.

Кайырма:

Аксаткындын селкинчек,
Андай теппей мындай теп.
Бурулчанын селкинчек,
Бурбай теппей мындай теп.
Ойноп,ойноп алгыла,
Ойрон калаар бул дүйнө.
Күлүп,күлүп алгыла,
Күмүрөң калаар бул дүйнө.

Жашыл жоолук дүрдөй жан,
Жаңы ачылган гүлдөй жан.
Кызыл жоолук гүрдөй жан,
Кыз-келиндер гүлдөй жан.

Кайырма:

Бурулчанын селкинчек,
Бурбай теппей мындай теп.
Сүйүмкандын селкинчек,
Сүйлөп тепчи келинчек.
Биз болбосок өмүрдө,
Кызыгы жок кыздар ай.
Тамылжыган жүзүңдүн,
Кызылы жок кыздар ай.

Кайырма:

Эңседим өткөн күнкү сезимдерди,
Зарыгам ушул күндө эстеп сени.
Күтөмүн билсем дагы келбешиңди,
Сагындым, бул жашоодо кезиксеңчи.

Кайырма:
Сагынып күтүп сени,
Жүрөгүм эңсейт менин.
Түшүнчү, махабатым,
Сагыныч сезимдерин.

Сен кеттиң алыстап менден эмес,
Тартуулап кайталангыс сезимдерди.
Кыйнады жүрөктөгү кусалыгым,
Убакыт өткөн сайын жылга айланып.

Кайырма:

Таркабас көлдүн кумары,
Таң сүргөн маалын козгогон.
Күн батар күүгүм убагы,
Сезимге салса козгогон.

Арбады айлуу түндөрүм,
Арманды кайра козгогон.
Күн батар күүгүм убагы,
Сезимге салса коштогон.

Жээгинде өскөн гүл гүлгө,
Жаркыган жаштык кез кайда?
Соолутпай сактап жүргүн деп,
Сен сунган кызыл гүл кайда?

Гүл эмес, өзүм соолудум,
Тапканга жүрөк не пайда?
Соолутпай сактап жүргүн деп,
Сен сунган кызыл гүл кайда?

Көгөргөн тоонун этеги,
Көк туман баскан талаалар.
Көңүлдөн такыр кетеби,
Көйгөйдү кескен санаалар.

Сызылып чыкса жүрөктөн,
Зыркырайт ички жаралар.
Көңүлдөн такыр кетеби,
Көйгөйдү кескен санаалар.

Карабачы, антип мени, караба,
Кайрадан жүрөгүмдү жаралаба.
Унутам деп өзүмдү-өзүм алдап келем,
Үзүлгөн үмүтүмдү, үмүтүмдү кайрылаба.

Сүйгөнүм бар, кечир мени садага,
Жүрөгүмдү арнаганмын башкага.
Кечигипмин бул жашоодо сүйүүдөн,
Өкүнбөйм өзүмдү-өзүм, өзүмдү-өзүм кыйнабайм.

Мейли тагдыр экөөбүздү кошподу,
Таш боор тагдыр ак сүйүүдөн коркподу,
Мейли бирок жашай берет ортодо,
Түбөлүк тунук сүйүү, тунук сүйүү оттору.

Бак ичинде жүрөсүң күлүп-жайнап,
Бажырайган көздөрүң алды арбап.
Байкабадың жанымдан өтүп жатып,
Бажырайган кызыл гүл колго кармап.

Кайырма:
Кызыл гүлүм ай, кызыктырдың ай,
Аппак гүлүм ай, алгач сүйүүм ай.

Көлөкөдө жүрөсүң күлүп-жайнап,
Көңүлүңдү койбодуң го мага арнап.
Чоктой беле көздөрүң күйүп-жанган,
Гүлдөрүңдөн сунуп кой мага арнап.

Кайырма:

Гүл жытына мас болуп термелемин,
Окту аткандай мен өзүңө сермелемин.
Кокус сени чочутуп албайын деп,
Арт жагыңан акмалап мен келемин.

Кайырма:

Бир гана тамчысындай булагымдын,
Бир гана шыңгырындай жылаажындын.
Сагындым мөлтүрөгөн махабатты,
Сагындым жылмайганын ынагымдын.

Бир гана уучтамындай турпагымдын,
Бир гана жыттамындай гүлзарымдын.
Сагындым асыл заттын жан турпатын,
Сагындым, сагынычка мен багындым.

Сагынуу карегимди жарып кетти,
Сагынуу бүт уйкумду алып кетти.
Сагынуу сар жоргосун токуп берип,
Нөшөрлөп жаш өмүрүм агып кетти.

Сагынуу жашыл тоодо аксап жүрөт,
Сүйүүсүн сары майдай сактап жүрөт.
Энеден эрте калган жаш улактай,
Элеңдеп, эрмен терип какшап жүрөт.

Кошулушуп эки жаш,
Жуп болуптур, жар-жар.
Кубанышып эл-журту,
Кут конуптур, жар-жар.

Толкуп келген мейманга,
Той баштайбыз, жар-жар.
Болушунча аянбай,
Бой таштайбыз, жар-жар.

Алтын ордо гүл бакча,
Калаалуу бол, жар-жар.
Артыңардан ээрчиген,
Балалуу бол, жар-жар.

Ак элечек колго алып,
Ыргап жүргүн, жар-жар.
Жакшы менен жаманды,
Ылгап жүргүн, жар-жар.


Асманда учсун куш болуп,
Ак тилегиң, жар-жар.
Ажырашпай бир жүрсүн,
Ак билегиң, жар-жар.


Баскан жериң дайыма,
Гүлдүү болсун, жар-жар.
Бүгүн курган жашооңор,
Бүрдүү болсун, жар-жар.

Ырыс алды - ынтымак,
Билип жүргүн, жар-жар.
Ата-энеге башыңды,
Ийип жүргүн, жар-жар.


Көлөкөлүү саябан,
Бак болгула, жар-жар.
Мөмөлөрү ийилген,
Шак болгула, жар-жар.

Кадыр көңүл табылбайт,
Калыс болгун, жар-жар.
Ушак менен айыңдан,
Алыс болгун, жар-жар.

Ак булуттай себилген,
Кар болгула, жар-жар.
Дайым ушул жашоодо,
Бар болгула, жар-жар.

Сен дегенде сен дегеним сен деген,
Сенден бөлөк көрбөгөнүм көрбөгөн
Сен дегенде секетим деп ичимден,
Сезимдердин бүтпөгөнү бүтпөгөн.

Сени ойлосом ойлогонум ойлогон,
Сени ойлобой койбогонум койбогон
Сен дегенде жарк дей түшөт кабагым,
Сезимдердин тойбогону тойбогон.

Көңүл сен деп түтпөгөнү түтпөгөн,
Көп санаанын бүтпөгөнү бүтпөгөн.
Сенден калган күн курусун, курусун,
Сезимдерден ким өчүрөт күч менен.

Сен дегенде кыялдарым кыялдай,
Кыйналамын кыялдарды тыя албай.
Сенден мага жалгыз гана сөз керек,
"Сендикмин!" деп шыбырап кой уялбай.