Жалгыздайм жанымдан алыс кетсең,
Жалооруп издеймин, эгер сезсең.
Жаныма жашоонун демин берген,
Жалгызым, ишенгин, бир гана сен.
Бир гана сен, бир гана сен.

Жылдыздай жымыңдап эркелесең,
Өзүмдү бактылуу элестетем.
Өмүрдүн ачылган гүлү сымал,
Сүйүүдөн тапканым бир гана сен.

Бир гана сен, бир гана сен.

Кайыра:
Шам болуп жүрөккө жарык берген,
Жашоонун маңызы бир гана сен.
Жарашып жанымда жандап жүргөн,
Жашоодо жалгызым бир гана сен.

Бир гана сен, бир гана сен.

Өткөрүп өмүрдү сени менен,
Өзүңө арналып дайым келем.
Өрт болуп жүрөгү күйүп- жанып,
Түбөлүк сүйөрүм бир гана сен.

Бир гана сен, бир гана сен.

Таң болуп атсаңчы түнөргөн багыма,
Түбөлүк жансаңчы шам болуп жаныма сен.
Таксам дейм ак нике шакегин колуңа,
Тандасаң сен мени турмуштук жолуңа сен.
Элестеп өзүңсүз өмүрдүн кемесин,
Эзилет жүрөгүм кайгынын желесинде.
Умтулам убакыт капкандай желесин,
Узарып үмүтүм күтүүнүн белесинде.

Кайырма:
Издедим, мен сени
Изи менен сезимдердин
Издедим, мен сени
Сездиң бекен жүрөгүмдүн эзилгенин.

Кызарып күн батса кыялым сени издеп,
Кусанын жолунда жүрөмүн үзбөй күдөр.
Кыйналып турса да жүрөгүм сени издеп,
Кылымдай сезилди өзүңсүз ушул күндөр.
Ийилип турса да үмүттүн дарагы,
Ишенип келемин өзүңдү табарыма.
Кубалар көңүлдөн түбү жок санааны,
Көрүшкөн күндү мен күтөмүн ар дайыма.

Кайырма:
Издедим, мен сени
Изи менен сезимдердин
Издедим, мен сени
Сездиң бекен жүрөгүмдүн эзилгенин.

Жарыгын чачса күн сулуу,
Жакшы сөз айтса тил сулуу.
Жабыккан жүрөк жазылса,
Жан дүйнөӊ сулуу дил сулуу.

Акылман сөзүн айтышса,
Кемпир да сулуу чал сулуу.
Калыстык менен башкарып,
Калкына жакса Хан сулуу.

Кубулжуп сезим ээритсе,
Созолонгон үн сулуу.
Бейпилдик берип жыргатса,
Капкараӊгы түн сулуу.

Көк асманга көрк берген,
Көгөрүп жаткан көл сулуу.
Күнөөлүү пенде силерди.
Көтөрүп турган жер сулуу.

Кадырлап барктап сүйүшүп,
Баш кошкон эки жар сулуу.
Жазында беймаал жаабастан,
Кышында жааган кар сулуу.
Эзелтен баатыр чыдамкай,
Эр жүрөк кыргыз Эл сулуу.
Аскасы асман тиреген.
Ала - Тоом сулуу жер сулуу.

Өткөн өмүр өкүнтөт, айла барбы,
Өкүнгөндөн же табар пайда барбы?
Күлкү менен, шат менен таң атырган,
Күлгүн жаш, ай, күлгүн жаш,
Жалын жаш, ай, жалын жаш кайда калды?

Жылаңайлак суу кечкен сайда калды,
Жылгалардан гүл терген жайда калды.
Ишке тойбой, шаң менен таң атырган,
Жалын жаш, ай, жалын жаш,
Жалын жаш, ай, жалын жаш артта калды.

Ташты эритер сендеби чоктун деми,
Кайсы топко алпарып коштуң мени?
Айрылгым жок, айрылгыс аргам да жок,
Кош бол, менин алтыным,
Кош бол, жалын жаштыгым.
Кош бол эми, кош бол эми…

Айтууга келди кезек
Атанын уулу дешет
Жүгү чоң сөз экенин
Жүрөгүм ичтен сезет
Татыктуу бекенсиң деп
Заманым сөөмөй кезеп

Кайырма:
Атаке, атакебай
Жылт эткен санааңыздан
Самоого өзүбүз да
Сагынып калабыз да
Эшик төр биз чоңойгон
Эркелеп барабыз да
Бактылуу узак жаша
Бар болуп арабызда

Табат деп ким сырымды
Таштаймын көз нурумду
Атымды элге угузуп
Арнаймын бар ырымды
Өстүрсөм экен сиздей
Мен дагы өз уулумду

Кайырма:
Атаке, атакебай
Жылт эткен санааңыздан
Самоого өзүбүз да
Сагынып калабыз да
Эшик төр биз чоңойгон
Эркелеп барабыз да
Оорубай узак жаша
Бар болуп арабызда

Ден-соолук берсе экен дейм,
Кылымды көрсө экен дейм.
Пайгамбар жаш да кутман
Тилегим берсе экен дейм
Каткырып карылыкты
Кайраты жеңсе экен дейм

Кайырма:
Атаке узак жашап,
Аман жүр арабызда

Коногу келсе үйүнө,
Сыйлап алар, жигиттер.
Эгини бышса эгинин,
Жыйнап алар, жигиттер.

Кайырма:
Коргогон элди-жерди,
Сүйдүргөн селкилерди.
Элимдин, жеримдим
Сакчысы биздин жигиттер.

Жеңилин жерден алышса,
Оорун колдон алышат.
Жүрөгү от жалын жигиттер,
Өз теңин издеп табышат.

Кайырма:

Улууга урмат, кичүүгө
Ызатын кылган жигиттер,
Элине түшсө кыйын иш,
Кызматын кылган жигиттер.

Кайырма:

Асман тунук, ай тунук, көл да тунук,
Алмаз сымал көп ойлор менде толуп.
Сезип калдың ай мөлмөл ак сүйүүңдү,
Сен отурган булакта мен да отурдум.

Сезип калдым ай мөлмөл ак сүйүүңдү,
Сен отурган булакта мен да отурдум.

Сен дагы сездиң бекен, туйдуң бекен?
Махабат күүсүн черттим мен да нечен.
Баарысы өлбөс болуп сага арналат,
Карааным карегиңде калды бекен?

Асман тунук, ай тунук, көл да тунук,
Алмаз сымал көп ойлор менде толуп.
Сезип калдым ай мөлмөл ак сүйүүңдү,
Сен отурган булакта мен да отурдум.

Сезип калдым ай мөлмөл ак сүйүүңдү,
Сен отурган булакта мен да отурдум.

Мен келгенде эстен кетпейт эч эле,
Жезде дечүң мени жалгыз сен эле.
Бара-бара эркелигиң жоголуп,
Бой жетилип, сен чоңойдуң,
Бой жетилип, сен чоңойдуң,
Тез эле...

Кайырма:
Балдыз, балдыз, неге жалгыз,
Ыйлайсың сен күн алыс?
Тандап терген, белестерден,
Сага жездең гүл карыз.

Эстейм, аттиң, баары күндөй кеч эле,
"Сүйүү эмне?" деп сураганың эсимде.
Сүйүнчүлөп тыя албастан күлкүңдү,
Кадам койдуң сен, секелек,
Кадам койдуң сен, секелек,
Сезимге...

Кайырма:

Мен келгенде эстен кетпейт эч эле,
"Кел, жезде" деп чай сунганың эсимде.
Эми сен да төктүң сүйүү көз жашын,
Мезгил, чиркин, өтөт тура,
Мезгил, чиркин, өтөт тура,
Тез эле...

Кайырма:

Аккан суум акпай калды,
Меникиндей арман барбы.
Кошулмак чоң дайрага,
Адашып таппай калды.

Кайырма:
Бугумду ырдайынчы,
Арманым батпай калды.
Көңүлсүз мындай жашоо,
Көөнүмө жакпай калды.

Күн өтөт сызган куштай,
Каларбыз сыздап-сыздай.
Ажыратмак болсоң кайра,
Не коштуң бизди, Кудай?

Кайырма:

Кадамым баспай калды,
Канча жол артта калды.
Өзүң деп соккон жүрөк,
Башкага чаппай калды.

Ажырадым ардагымдан,
Өкүнүп кайгырбаймын.
Турмуштун жолу татаал,
Кайра эми жаңылбаймын.

Кайырма:

Аккан суум акпай калды,
Меникиндей арман барбы.
Кошулмак чоң дайрага,
Адашып таппай калды.

Кайырма:
Бугумду ырдайынчы,
Арманым батпай калды.
Көңүлсүз мындай жашоо,
Көөнүмө жакпай калды.

Кадамым баспай калды,
Канча жол артта калды.
Өзүң деп соккон жүрөк,
Башкага чаппай калды.
Өзүң деп соккон жүрөк,
Өзгөгө чаппай калды...

Кайда жүрсөм өзүңүздү сагынам эне,
Жашоодогу мээримиңиз табылгыз беле.

Кайырма:
Энекебай элесиңден кубат аламын,
Энекебай сагынычтан күйүп-жанамын.
Көз алдымдан көчүп өтөт узун түндөрдө,
Энекебай кол булгалап калган караның.

Сиздей мени эчким сүйбөйт эне билемин,
Ак батадан чынар болур өсүп тилегим
.
Кайырма: