Сен дегенде сен дегеним сен деген,
Сенден бөлөк көрбөгөнүм көрбөгөн.
Сен дегенде секетим деп ичимден,
Сезимдердин бүтпөй,
Сезимдердин бүтпөй,
Сезимдердин бүтпөгөнү бүтпөгөн.

Сени ойлосом ойлогонум ойлогон,
Сени ойлонбой койбогонум, койбогон.
Сен дегенде жарк дей түшүп кабагым,
Сезимдердин тойбой,
Сезимдердин тойбой,
Сезимдердин тойбогону тойбогон.

Көңүл сен деп түтпөгөнү, түтпөгөн,
Көп санаанын бүтпөгөнү, бүтпөгөн
Сенден калган күн курусун, курусун,
Сезимдерден ким ай,
Сезимдерден ким ай,
Сезимдерден ким өчүрөт күч менен.

Сен дегенде кыялдарым кыялдай,
Кыйналамын кыялдарды тыя албай.
Сенден мага жалгыз гана сөз керек,
"Сендикмин" деп шыбыр,
"Сендикмин" деп шыбыр,
"Сендикмин" деп шыбырап кой уялбай...

Бул турмуштун тартибине баш ийип,
Курдаш кыздар, келин болуп кеттиңер
Өз колунан өз оозуна аш тийип,
Курдаш балдар, эр-азамат жеттиңер.
Мен олтурам бүгүн тиктеп көчөнү
Биз баарыбыз чогуу жүргөн кечээги,
Ошол күндөр такыр эстен кетпеди.

Баарыбыз тең болбогон соң текши улуу,
Бир көчөгө чоң эстелик коюлбас.
Мен силерди дайым эстейм кеч курун,
Карып бара жаткан балдар моюндаш
Мен олтурам бүгүн тиктеп көчөнү,
Биз баарыбыз чогу жүргөн кечээги,
Ошол күндөр такыр эстен кетпеди.

Биз деги эми кайда гана барбайлы,
Кайсы жерге түшсөк дагы экчейип.
Картайганда канча курбу тандайлы,
Бири-бизге бири-бирибиз эстелик.
Мен олтурам бүгүн тиктеп көчөнү,
Биз баарыбыз чогу жүргөн кечээги,
Ошол күндөр такыр эстен кетпеди.

Ошол күнү кош айтыштык унчукпай.
Алыстадың караныңды көрсөтпөй.
Толуп-ташып кала бердим ага албай,
Из калтырып соолуп калган өзөндөй

Көрбөй калсам сагынам деп жазганың
Жалган беле сүйөм деген каттарың
Гүл өмүрдү ойрон кылып кеттиңго
Көлгө айланды көздөн аккан жаштарым

Өмүрүмдүн сенсиз аккан дайрасы,
Элестетет соолуп калган булакты.
Ойлобопмун муң зар менен күтөм деп,
Эстен кетпес жаштык-жалын куракты.

Жан дүйнөмдү козгоп жүргөн сөздөрүң,
Билбептирмин баары жалган экенин.
Кайгы муңду тартуу кылып өзүмө,
Билбей калдым кимди ээрчип кеткениң

Теңдеши жок асылзатым, асылзатым апакем,
Арзыбаган ырым сага, ырым сага арнайм мен.
Жалгызым деп бүт өмүрүң, бүт өмүрүн арнаган,
Эмгегиңди кантип кайдан, кантип кайдан актайм мен?

Кайырма:
Кербен жылдар чексиздикке сорулду,
Кайран жашың карылыкка торулду.
Аттиң, арман, колдон келсе гана эле.
Көрсөтмөкмүн жаштыгыңа кайтып барчу жолуңду

Тартсаң дагы улуу өчүн, улуу өчүн азаптын
Кабагым же кашым дебей, кашым дебей өстүрдүң.
Миң мертебе ыраазылык, ыраазылык билдирип,
Жараткандан тилейм сенин, тилейм сенин өмүрүң

Кайырма:

Жолум карап жүрсөң керек, жүрсөң керек дагы эле,
Амандыгым тилеп беш маал, тилеп беш маал Кудайдан
Барам бир күн небереңди, небереңди жетелеп,
Таарынбай тур, апа, сенден, апа, сенден суранам.

Кайырма:

Сенсиң менин торгоюм,
Суук көздөн коргоюн,
Ашык болдум жалындап
Калпы болсо оңдоюн
Сенсиң менин торгоюм
Гүлдөй болуп соолбоюн
Ысыгыңа жылытчы
Суугуңа тоңбоюн

Сенсиң менин торгоюм
Күндөп-түндөп ойлоюн
Ишенип кой сөзүмө
Калпы болсо оңбоюн
Менин ырчы торгоюм
Жолугууну болжоюн
Алтынчы күн кадыр түн
Карап күтөм жол боюн

Сен торгоюм сүйгөнүм
Арнап өмүр гүлдөрүн
Бир басалы гүл бакта
Тыңшап торгой үндөрүн
Ырахат го жаш кезде
Күлүп-ойноп жүргөнүң
Саймалайлы жылдыздай
Жашообуздун түндөрүн

Жалын болуп чаркылдап
Чагылгандай чартылдап
Көл үстүндө ойногон,
Ак булуттай калкылдап
Канат күүлөп күү чалып
Ойноп-күлүп жаркылдап
Кадырлашып өтөлү,
Көңүлгө кир калтырба

Көңүл куруп күү чалып
Күлүп-бийлеп үн салып
Менин сүйгөн торгоюм,
Эмгек жолун бир чалып
Айыл ичин гүлдөтүп
Обон созуп ырдашып
Жаркылдаган жаштык кез
Кете электе кырды ашып

Өмүр суусун кечели
Жабык сырды чечели
Ак таң болуп нурданып
Аппак гүлдү терели
Ак нан болсо ыр болот
Сүйүп дайым жешели
Ден соолукта каткырып
Соо жүрөлү дешели.

Кирип барсам класска сен олтурган,
Чээнде менин орунум боло турган.
Окшоп кетти ошол күн сенсиз гана,
Өткөн өмүр бекерге коротулган.

Оо, алтыным, өзүңдү сүйүптүрмүн,
Сүймөк турсун кызганып жүрүптүрмүн.
Суз өңдөнүп мамилең мага гана,
Башкаларга жаркылдап күйүктүрдүң.

Оо, алтыным, эсен-соо жүрөсүңбү?
Өткөндөрдү көңүлгө түйөсүңбү?
Жалбырактын алдына катсам жамгыр,
Эстейм жууп салганын сүрөтүңдү.

Сүйөм десем капыстан жолдон эле,
Ыйлап ийдиң озондоп ошондо неге?
Бул окуя, бул иштер көп жыл мурун,
5-"б" класста болгон эле.

Саратан күчөп турганда,
Жамгырды чөптөр күтүшөт.
Жаз келип сайран курганда,
Ак кууну көлдөр күтүшөт.

Кайырма:
Э-эй, наздана күлүп сүйлөгөн,
Жаныңдан акең садага.
Күтүүсүз келген бакыттай,
Бир келип кетчи Ош жакка.

Суу болуп алыс аксам деп,
Мөңгүлөр күндү күтүшөт.
Ааламга жарык чачсам деп,
Жылдыздар түндү күтүшөт.

Кайырма:

Азапка батты жүрөгүм,
Жолугар жомок күндү эңсеп.
Зарыгып күтүп жүрөмүн,
Сүйгөнүм, сендей гүлдү эңсеп.

Кайырма:
Э-эй, наздана күлүп сүйлөгөн,
Жаныңдан өзүм садага.
Күтүүсүз келген бакыттай,
Бир келип кетчи Ош жакка.

Бузуктун түшкөнүнө түшпөйлүкчү
Бузулбас ынтымакты издейликчи
Бугуну сарбагыштан ажыратпай
Балдары бир атанын биз дейликчи

Кыдыкты саяктардан бөлбөйлүчү
Кыйыры кең Ысык-Көлдү жердейликчи
Кыргыздын уруулары көп болсо да
Кылымдап биримдиктүү эл дейличи

Таласта кушчу саруу бир дейликчи
Таарынып так талашып жүрбөйлүкчү
Манасты таластык бөлүп албай
Маанисиз сүйлөгөндөй иргейликчи

Түбү бир түштүк элин колдойлукчу
Аркалык аты жаман болбойлучу
Кыргызды алты бөлүп ажыратпай
Араны ат салышпай оңдойлукчу

Жамандык атпай журтка жетпесинчи
Калыстык акимдерден кетпесинчи
Тандалып азаматтар элди бийлеп
Намысын ата журттун төкпөсүнчү.

Жардамды башка элдерден күтпөйлүкчү
Мээнеттен бактыбызды издейликчи
Кыргыз эл кыйындыкты жеңип келген
Аянбай кысталышта иштейликчи.
Пейилдик кыйшыктарын түздөйлүкчү
Пейилдик кыйшыктарын түздөйлүкчү
Адамдар пейилибизди оңдойлукчу

Мен сизге күндөй ашыкмын,
Мен сизге гана ашыкмын.
Деңиздей бирде ташыттың,
Темирдей бирде жашыттың.

Жаш төгөт ката из үчүн,
Ыр оңой дебе кыз үчүн.
Уяттан жанып турсам да,
Жасагам баарын сиз үчүн.

Бактылуу жандын ар таңы,
Мактанып доско айтпаңыз.
Көрсөткөн сизге кылыгым,
Көмүскө ичке сактаңыз.

Мен сизге гана ашыкмын.

Оюмда булкан болуп мен атылып
Буралган тульпан болуп сен ачылып
Жайдагы жалын чачкан ысык күндө
Эс алуу гүл багында келетырык

Кайырма:
Адашып барат улам курган акыл
Ах, жыттуу мойнуңдагы урган атыр
Жүздөгөн кыздан өтүп сүрдөбөгөм
Жүрөгүм суурулчудай туйлап атыр

Тамшантып таңдан кечке саматчудай,
Таасириң топ жигитти каратчудай.
Баркы эмес баасы кошо көтөрүлгөн,
Фасоль деп эркелетсем жарашчудай.

Кайырма:

Ак куунун түспөлүндөй таластыгым,
Акактай келбетиңден тамат нуру,
Билинбес бир сыр жатыр карегиңде.
Билбеймин дагы нени самап турум

Кайырма:

Адашып барат улам курган акыл
Ах, жыттуу мойнуңдагы урган атыр
Эчен бир кыздан өтүп сүрдөбөгөм
Жүрөгүм суурулчудай туйлап атыр
От жаккан карегиңде бир сыр жатыр.